إعداد وحوار: ريهام طارق
أيام قليلة وتنطوي صفحة 2025، و نودّع معاها 365 يوم محملين بذكريات فرح وحزن، نجاح وانكسار، قوة وخذلان، حب بدأ وحكايات انتهت، عام كامل كانت الأغنية فيه شريك أساسي في تفاصيل حياتنا اليومية، وبقيت شاهد على كل ما عشناه.
2025، كان عام استثنائي تميز بإنتاج أعمال غنائية ناجحة تركت بصمتها، و ارتبطت بمناسبه خاصة في ذاكرتنا،، سعيده كانت أو حزينه.. ومن هنا جاءت لي فكرة هذا الحوار، واختارت أبرز وأهم عناوين أغاني 2025، وتحويلها لأسئلة لتكون مفتاح سحري يفتح لنا بوابة لدخول عالم النجوم التي لمع نجمها وتميزت في 2025.
وضيف حواري النهارده هو الفنان أحمد زعيم، افضل مطرب شاب ف ال dear guest ، وافضل مطرب شاب في Mema aword ..
غير أن 2025 كانت سنة مختلفه وخاصه جدا لزعيم ليس على مستوى الغناء فقط بل على مستوى التلحين أيضا وهذا ليس فقط بحجم الأعمال اللي قدمها، ولكن بتنوعها واختلافها.
كل لحن قدمه زعيم كان له روحه الخاصة.. مستحيل أن تشعر بتكرار أو سمه تشابه بين عمل والتاني، سواء في الجملة الموسيقية أو الإحساس العام للأغنية، وهذا ان دل يدل على أنه فنان محترف على درجة كبيرة من الوعي وتقديم ألوان مختلفة بنفس الحرفية والرقي، دون الوقوع في فخ النمطية، بالتعاون مع أهم نجوم الغناء في الوطن العربي، أبرزهم الكينج محمد منير، راغب علامة، رحمة رياض، وائل جسار، آمال ماهر، ونوال الزغبي، والتي حققت جميعها نجاحاً كبيراً وبصمة خاصة تحمل توقيع العبقري أحمد زعيم.
وإلى جانب دوره كـ ملحن، ظهر زعيم مره ثانيه بشكل أكثر جاذبية ونجاح من بعد أغنيته الشهيرة “يا عراف” كمطرب وتنقل برشاقة شديدة بين الرومانس و اللايت والدراما بنفس الاحترافية في الأداء والحضور الجذاب وخفة ظله المعهودة واحساسه العالي.
نقدر نقول إن احمد زعيم فنان حر طليق رفض حصر فنه في قالب واحد، فنان محترف.. مبتكر.. متجدد.. ومختلف يمتلك طله مستحيل ان تفشل في احتلال قلوب جمهوره ومحبيه. 
في البداية نرحب بالفنان أحمد زعيم في جريدة أسرار المشاهير ونشكره على إتاحة الفرصة لإجراء هذا الحوار.
مين اول حد جه في تفكيرك حالا و هتعزمه علي “العنب الساقع“؟
والدي
بعدت عن مين في نهايه 2025 وبتقوله “كيفك علي فراقي“؟
أنا مش ببعد عن حد قصد هم اللى بيبعدوني عنهم بغبائهم.
امتى تعبت في 2025 وقلت والله ده “هد حيل” ؟
تعبى الخاص بقدر اتحمله، لكن لو تعب حصل لاغلي الناس في حياتي زى والدي أو بنتى وزوجتي واخواتى لا بنام ولا باكل فعلا بحس بهد حيل.
تقول لمين أنت “حبيبي وابن حبيبي“؟
اخويا
مين هتقول له “صاحبي يا صاحبي” مكمل معايا في 2026؟
طبعا وبلا منازع والدي.
فنان ودعنا في 2025 وبتقوله “فعلا مبتنسيش“؟
الموسيقار محمد رحيم والشاعر الغنائي أحمد على موسى رحمة الله عليهم.
لو تم دعوتك لحضور “حفله تنكريه” هتختار تلبس اي شخصية من زمن الفن الجميل؟
اختار شخصية عمر الشريف وشكري سرحان
شخص خسرك في 2025، لما بتفكره بتقول “عيونه عليا هدمع” و هيندم على قلة اصله معايا في 2025؟
أنا مش بفتكر اي شخص كان قليل الاصل في يوم معايا، لأني ببساطه بعتبره مات.
مين بتقوله أنت “سيد الناس” في 2025 وكل السنين اللي جايه؟
والدي الغالي وزوجتي وبنتي
مين كان “ضل حيطة” في حياتك في 2025؟
٢٠٢٥ كانت حلوه معايا مكنش فيها اندال… الأندال آخرهم معايا كان ٢٠٢٣
مين حلفت وقلت والله لاكون “عقده حياته” في 2026؟
معنديش خالص فكره انتقام من حد لانى لما بديله ضهرى فعلا مبفتكرش الشخص أصلا لا بخير ولا شر.
مين “رقم واحد” في حياتك في 2026؟
والدي.
عدي عليك وقت في 2025 وقلت الوسط الفني “خذلني“؟
الخذلان متوقع في أي مجال مش ف الوسط الفنى فقط
بس أنا عمرى ما كنت بعتمد على حد لدرجه العشم عشان يخذلني.
امتى حسيت انك شايل “الشيله كامله” ؟
شايلها طول الوقت والله.
كام مره اتقال لك “اهدي” وأنت بتشتغل في 2025؟
اكتر سنين اتعصبت فيهم لانى كنت بعمل كل حاجه بنفسى هما ٢٤ و ٢٥ ، فكلمة أهدى دى اتقالت فوق ال ٥٠٠ مره.
تقول لمين كل كلامك “كلام فارغ ” في 2025؟
مافيش حد بعينه لانى مش بلتفت لاى اخبار سلبية أو نقد سلبى او اى حاجه تضايقني… التجاهل اسلم حل.
مين الشخص اللي بتقول لنفسك “مكرهتوش” بعد ما ودعته في 2025؟
صديق ليا من ٢٠١٣ كان اخ كبير نفسى يفهم انى عمرى ما كرهته بس طبعا مصير اى شخص بيسلم نفسه للى حواليه انه بيعيش ف كدبه طول حياته.
شخص دخل حياتك في 2025 و حسيت “كأنه مجاش“؟
مافيش حد معين بصراحه، اللي حضر حضر واللي محضرش مشفتوش.
تقول لمين “تيجي نحارب” في 2026؟
أحمد زعيم.
مين بتحس انك مطمن ومرتاح معاه وبتقوله محتجالك “احكيلك خوفي” ؟
والدي.
مين لو سألوك عنهم هتقول “معرفش حد بالاسم ده” في 2025؟
كل شخص كنت فاكره يستاهل وخيب ظني فيه اديته ضهري و خرجته من حياتي للأبد.
مين تقوله في بداية 2026 “تيجي نرجع“؟
أحمد زعيم المطرب.
مين بتقوله في 2026 “قبلت التحدي“؟
أحمد زعيم.
نفسك تقول لمين “بدي اقول بحبك“وأنت بتستقبل 2026؟
مع دخلة كل سنه بفتكر والدتي رحمها الله وبحسب عمرها لو كانت لسه عايشه وبقولها بحبك الله يرحمها
امتي صرخت بصوت عالي وقلت “خطفوني” في 2025؟
لا.. ده مش أسلوبي.
مين “بابا” المجال؟
الهضبه عمرو دياب
ايه التصرف اللي عملته في 2025 واعتبرته “خطيه” ؟
لا ف ٢٠٢٥ الحمدلله كنت موفق مافيش حجات ازعل عليها
مين الشخص اللي بتقول له “بتمني انساك” وأنت بتقفل 2025؟
لا مفيش لانى معنديش تعلق أنا بنسى بسرعه الأشخاص الوحشة لكن عمري ما بنسى الإساءة.
مين زعلته منك في 2025 وبتقوله “سوري” صافيه لبن قبل ما نبتدي 2026؟
عمرى ماكنت بزعل حد بقصد علشان كده مافيش حد
مين تقوله ومن داخل 2026 “الله يحنن ” و هتقفل الباب في وشه ؟
اى حد مالوش لازمه عايش يتغذى وينتفع منى من غير اى استفاده.
مين اكتر ناس اتعاملت معاهم في 2025 وكانوا ايقونه “الذوق العالي” ؟
كل اللى اتعاملت معاهم كانو ذوق بصراحه من مطربين وشعراء وغيرهم.
مين نفسك تشوفه قبل ما تنتهي 2025 وبتقوله “واحشني يا ابن اللذينا” ؟
اخويا دايما بيوحشنى.
ريهام طارق تكتب: عندما نعتاد الفقد يصبح الموت مألوفًا
مين في حياتك شايفها “ملكه جمال الكون “؟
امى الله يرحمها و بنتي كارما.
كام مره قلت محتاج “دكتور” نفسي في 2025؟
ولا مره.
مين توجه له رسالة تهديد في 2026 وبتقوله صبرا… “لينا ميعاد“؟
مافيش انا بتركها لله وحده هو الحكم والقاضى والعدل والحق.
مين هتقولهم في نهاية 2025 “خلونا نشوفكم تاني” ؟
كل شخص حبني من قلبه وعمره ما بخل عليا بالدعم والمساندة في عملي.
كام مره قلت في 2025 “الاحتياج وحش” ؟
ولا مره الحمدلله.
مين هتقوله وانت خارج من 2025 “هوينا“؟
الناس اللى تعطلني و تأخرني
لو هترسم لشخص واحد فقط “احلى رسمه” هيكون مين ؟
والدتي.
هاله الزيات: أي شخص شايف نفسه رقم واحد بقوله صبرا لينا ميعاد في 2026
حصل وقلت “حب تاني” لا في 2025؟
بعد حب الله ثم بنتى ووالدي و اخواتى وعيالهم وشغلي وصحابي حب تاني لا لا لا
“كلام عيب يتحكي” في 2026؟
لا مش كتير ومبقتش أنصدم لانى بقيت مستعد للمواجهه.
امتي اكتر وقت حسيت فيه انك محتاج صاحب ولاقيت ان “مفيش جدعنه خالص”؟
وقت لما بكون مخنوق و عاوز افضفض.
“خبر عاجل” نفسك تعلنه عنه في بداية 2026؟
مافيش حاجة شخصية شغل كتير وبس ان شاء الله.
أول “قرار شخصي” هتنفذه في بداية 2026؟
هركز اكتر ف كل شىء يخص حياتي الشخصية والمهنية.
لو “لينا عمر” ايه أول حلم نفسك تحققه في 2026؟
تصدقى ان أحلامي ان اغمض وافتح عينيا الاقى بيتنا القديم وانا وسط اخواتى وامى وبابا اجمل واهدى وأعظم ايام حياتى.
جابر جمال الدين: إللي يعطلني هقوله الله يحنن و هقفل بابي في وشه
نبذة عن الكاتب:
ريهام طارق صحافية مصرية من أصول لبنانية، متخصصة في كتابة الأخبار الفنية والثقافية، وأجرت حوارات مع نخبة من أبرز نجوم الغناء والتمثيل في الوطن العربي، تشغل حاليًا منصب رئيس قسم الفن ومساعد رئيس التحرير بجريدة {أسرار المشاهير} في جمهورية مصر العربية.
بدأت مسيرتها المهنية من المملكة العربية السعودية عبر جريدة {إبداع}، في الرياض قبل أن تنتقل للعمل في عدد من المؤسسات الإعلامية الكبرى في الوطن العربي، منها {جريدة الثائر و جريده المغرد} في لبنان، وجريدة {النهار} في المغرب، ومجلة {النهار} في العراق، ومجلة {المحور} في الكويت.
إلى جانب نشاطها في الصحافة الفنية، كتبت ريهام طارق مقالات تحليلية في مجالات السياسة الدولية وأسواق المال الأمريكية والأوروبية، كما تولت عضوية اللجنة الإعلامية في المهرجان القومي للمسرح المصري. وتقدم حاليًا محاضرات متخصصة في الصحافة في مسقط، عاصمة سلطنة عمان.