أنا بحجابي.. بقلم/ غرام نعيم.

أنا بحجابي في عز وجاه
طاعة لربي وله مرضاه
أنا بحجابي في ستر وهيبة
مش رجعية ولا حاجة عجيبة
لا بيحجبني عن التفكير
ولا محتاج مننا تفسير
هو كلام الله في كتابه
مش كده عادة لأ ده عبادة
ولا يمنعني أعيش في سعادة
ليه يشغلكم يامعارضينه
ليه بتقولوا إن ده مش فرض
ما أنتم يعني مش لابسينه
ومش بالقوة عليكوا فارضينه
مش بتقولوا فيه حرية
ولا دي ليكم بقى مش لي
طب بالذمة ديه قضية
كده تشغلكم أنت وهي
ولا كلام بس وتسلية
دين الله هو الحرية
هو إيمانك نفسه خيار
تسلم لأ، مفيش إجبار
بقى بعد كلام الله نحتار؟!
أي كلام غير كده يبقى عار