الاندر جراوند.. لما الموسيقى تكسر التابوهات و تفضح زيف الثقافة الشعبية

رغم إني شغّال في مجال موسيقى البوب المصرية، كان دايمًا يسيطر عليّ سؤال واحد: ليه أغلب اللي بسمعه في الشارع مش تابع لموسيقى البوب؟ ليه بينتموا أكتر لموسيقى الأندر جراوند، أو كما يُطلق عليها “الموسيقى تحت الأرض” لو ترجمنا المصطلح للعربية؟

موسيقى الأندر جراوند: لما الإيقاع يكسّر القواعد ويحوّل الثقافة الشعبية:

ما ينفعش أكتب عن موسيقى كسرت كل القواعد، بلغة جافة ومجردة زي لغة النشرة أو موظف أرشيف لابس بدلة وكرافتة. في البداية كتبت مقال طويل باللغة الصحفية السليمة، لكن لما قرأته حسيت إنو بعيد تمامًا عن روح الموضوع. إزاي اتكلم عن موسيقى غيرت الثقافة الشعبية وكشفت التابوهات كلها بنفس الأسلوب التقليدي اللي بنشوفه في كل المقالات؟ علشان كده قررت أكتب بأسلوب يكسر القوالب ويحطم التوقعات.

اقرأ أيضاً: ريهام طارق تكتب: لو كان الترند رجلًا… لقتلته

حرافيش المزيكا: ازاي الأندر جراوند كسبوا الشارع وتحرموا من الاحترام؟

عندنا معضلة سمعية من زمان جداً ..ان مفهوم الغناء يعنى الطرب، لكن الحقيقة أن الطرب شكل من ألف شكل للغُنا لكننا اختزلنا الغُنا فى فرع من فروعه واعتبرنا أن كل غُنا مش طربى مش غُنا ومش فن …وعاشت معانا المعضلة دى سنين طويلة جداً….وبقينا بنبص باحتقار ودونية لكل شكل مش طربى من أشكال المزيكا والأغنية. 

وده بعتبره انغلاق وقلة ثقافة للأسف طالت بعض أهم المشتغلين بالموسيقى وما اقتصرتش فقط على قطاع عريض من الجمهور عشان كدة لما قررت اكتب اخترت إني أكتب عن موسيقى الأندر جراوند …اتكلم عن نجومهم واحلل أغانيهم و ألبوماتهم و ابصلهم بنظرة إنصاف حرمهم منها المجتمع ومعظم المشتغلين بالموسيقى …لحد مابقوا زى حرافيش عالم نجيب محفوظ …مكتسحين الشارع وهمّا الأنجح والأهم والأكثر تأثيراً وتقدر تراجع مشاهداتهم وعدد مستمعيها على أي منصة ….ورغم كده فضلوا متهمشين كإنهم حرافيش المزيكا …وبقى الإستماع ليهم يعتبر وصمة عار.

اقرأ أيضاً: ريهام طارق تكتب: الدراما التلفزيونية تحتضر.. و نجوم يقتلون الإبداع بالتكرار!

لما الأندر جراوند قال للمزيكا التجارية: وسّع، احنا جايين.. بس بمزاجنا مش بمزاج السوق ورغم ذلك ده اتغير مؤخراً لأنهم فرضوا نفسهم بنجاحهم و صدقهم .

لكن مازالت الميديا بتغنى شىء والشارع بيغنى شىء آخر …

طب إيه هى موسيقى الأندر جراوند وابتدت ازاى وفين ؟

موسيقى الأندر جراوند لقب أطلقوه على حركات موسيقية مختلفة، زى حركة موسيقى السايكدلية في منتصف ستينيات القرن اللى فات.

و السايكدلية هي نوع من الموسيقى والفن بيحاول يحاكي الشعور اللي بيحصل لما الواحد يتأثر بالمخدرات اللي بتغير تفكيره وإدراكه للواقع، يعني الموسيقى دي بتكون فيها تأثيرات غريبة وأصوات مبتكرة عشان تحسسك إنك في حالة نفسية أو عقلية مختلفة، بدأت في الستينات كجزء من حركة ثقافية كانت بتحاول توسع الفكر والتجربة العقلية.

لكن المصطلح ده أصبح تعريف لأى موسيقي تميل إلى تجنب قيود صناعة الموسيقى التجارية السائدة.

اقرأ أيضاً: بحوزتها مواد مخدرة .. ضبط راقصة شهيرة بمطار القاهرة والنيابة تباشر التحقيق معها

لما المزيكا خرجت من تحت الأرض: إزاي الأندر جراوند كسر سطوة الطرب وبقى صوت الشارع؟”ط

يعني باختصار، أي نوع مزيكا بيكسر أو بيعاند الثقافة الموسيقية السايدة بنعتبره “أندر جراوند”، والمزيكا دي دايمًا بتتولد من قلب الشارع وبتتغير مع تغيُّر الزمن والثقافة الشعبية في كل وقت ومكان.

الفرق اللي اشتغلت على النوع ده من المزيكا بدأت من الستينيات في العالم، ولسه مكملة لحد دلوقتي، ولو حابب تعرف أكتر، ويكيبيديا مليانة أمثلة، بس أنا مش ناوي أحوّل المقال لمحاضرة أو بحث أكاديمي.

أما عندنا في مصر، موسيقى الأندر جراوند اتأخرت شوية في الظهور مقارنة بباقي العالم، وده راجع للمعضلة اللي اتكلمنا عنها في أول المقال، وهي إن الناس اختزلت الغُنا في الطرب وبس، وكأن مفيش غيره.

لكن بعد ثورة يناير، الوضع انقلب، الناس بقت أجرأ، وبدأت تكسر القوالب و التابوهات، مش بس في المزيكا، في كل حاجة… و ساعتها لقت الأندر جراوند فرصته يطلع للنور.

موسيقى الأندر جراوند خدت عندنا ٣ أشكال هما …الفرق الغنائية المستقلة والمهرجانات والراب :

الفرق الغنائية المستقلة ابتدت تعمل قوالب مختلفة للغنا زى الروك والبلوز و دمجتهم بالمزيكا الشرقي زي كايروكي و مسار إجباري ووسط البلد وبلاك تيما وغيرهم 

وفي كلامهم فتحوا أفاق جديدة من التحرر والوضوح والمباشرة والمواضيع بصياغتهم الخاصة بيهم …

المهرجانات قدمت إيقاع المقسوم بترجمة إيقاعية مختلفة اعتمدت على الدرامز أكتر وقللت من وجود الطبلة والرق واختلفت مواضيع الكلام عن مواضيع الغنوة الشعبية التقليدية وأصبحت أكثر تحررا ومباشرة حتى وإن جنحت للابتذال أحيانا في سبيل إظهار تمردها على الإنتقادات و الإطار التقليدى اللى هما كسروه، والشكل ده بدأ من عند السادات مروراً بأوكا وأورتيجا وانتهاءاً

 بـ حمو بيكا و عصام صاصا …والشكل ده وغيره اتولدوا وهيفضلوا موجودين ومكملين وإن كان هيخرج من رحمة مجموعات جديدة من فنانينه كل فترة تقود موجات جديدة. 

تالت شكل من أشكال الأندر جراوند في مصر هو الراب، واللي يعتبر حالة مختلفة تمامًا عن أي شكل موسيقي كان موجود هنا قبل كده. الراب في الأساس طالع من ثقافة تانية خالص، اتولد في أمريكا في آخر الثمانينات، وانتشر بعدها في العالم كله.

أول ما ظهر عندنا، كان لسه بطعمه الأمريكي، ماكنش متمصر أو قريب من ودن الناس هنا، وعلشان كده معملش حالة جماهيرية كبيرة وقتها، رغم محاولات محترمة من فرق زي MTM، وإيچي راب سكول، و Y-Crew، وده مش تقليل منهم، بالعكس، ده طبيعي جدًا إن أي فن جديد على مجتمع ياخذ وقت على ما يتفهم و يتبلع

لحد ما ظهر جيل مختلف تمامًا، زي الجوكر، وأبو يوسف، شاهين، ويجز، و مروان بابلو وغيرهم… جيل قدر يمصر الراب ويخليه “ابن بلد”، سواء في المواضيع أو في الإيقاع أو حتى في اللكنة، وبدأوا يقدموا شكل أعمق وأقرب، اسمه “التراب”، اللي هو راب بس فيه جمل لحنية وغنائية، والجميل بقى إن كل واحد فيهم بقى ليه بصمته، صوته، وأسلوبه الخاص في الحكي.

اقرأ أيضاً: معتز أمين : اعشق اللون الشعبي.. وأختار بوسي و شيبة وعبدالباسط ليشعلوا الحاني

من Bronx للقاهرة… إزاي الراب بقى ابن بلد؟

تالت شكل من أشكال الأندر جراوند في مصر هو الراب، واللي يعتبر حالة مختلفة تمامًا عن أي شكل موسيقي كان موجود هنا قبل كده، الراب في الأساس طالع من ثقافة تانية خالص، اتولد في أمريكا في آخر الثمانينات، وانتشر بعدها في العالم كله، وأول ما ظهر عندنا، كان لسه بطعمه الأمريكي، ماكنش متمصر أو قريب من ودن الناس هنا، وعلشان كده معملش حالة جماهيرية كبيرة وقتها، رغم محاولات محترمة من فرق زي MTM، وإيچي راب سكول، و Y-Crew، وده مش تقليل منهم، بالعكس، ده طبيعي جدًا إن أي فن جديد على مجتمع ياخذ وقت على ما يتفهم و يتبلع.

الجوكر، أبو يوسف، شاهين، ويجز، ومروان بابلو وغيرهم… جيل قدر يمصر الراب ويخليه “ابن بلد”:

لحد ما ظهر جيل مختلف تمامًا، زي الجوكر، أبو يوسف، شاهين، ويجز، ومروان بابلو وغيرهم… جيل قدر يمصر الراب و يخليه “ابن بلد”، سواء في المواضيع أو في الإيقاع أو حتى في اللكنة، وبدأوا يقدموا شكل أعمق وأقرب، اسمه “التراب”، اللي هو راب بس فيه جمل لحنية وغنائية، والجميل بقى إن كل واحد فيهم بقى ليه بصمته، صوته، وأسلوبه الخاص في الحكي.

الراب في الأساس اختصار لجملة”rhythm & poetry”، يعني إيقاع و شِعر، و فعليًا، كتابته بتيجي بين الشعر والنثر، لأنه يعتمد على الارتجال فوق كل بيت (إيقاع) بشكل مختلف.

اقرأ أيضاً: راندا البحيري أمام المحكمة بسبب زوجها… شاهد موقف الإبن

نصوص الراب بتتميّز بلعب بالألفاظ، تشبيهات غير متوقعة، ومعاني مضغوطة ومكثّفة، كل سطر فيه بيتقال عليه “بار”، وكل جزء شعري كبير اسمه “ڤيرس”، ولما الرابر يركّب الكلام على الإيقاع بسلاسة، ده اسمه “فلو”، واللي بيفرق رابر عن التاني هو قوة كلامه، ومدى التزامه بأساسيات كتابة الراب اللي معروفة عالميًا، وكمان قد إيه الفلو أو التدفق اللى بيقول بيه الرابر النص،بصورة سلسلة و موزونه .

اقرأ أيضاً: شرين عبد الوهاب داخل قسم الشرطه من جديد .. تفاصيل

في سلسلة المقالات القادمة، نستعرض كل ما هو جديد في عالم الأندر جراوند، مع تسليط الضوء على أبرز الفنانين في هذا المجال، سنقوم بتحليل أغانيهم و ألبوماتهم بشكل دوري، لتقديم رؤية متجددة و معمقة لهذا النوع الموسيقي المميز، أتمنى أن تجدوا مقالاتي ممتعة وسهلة القراءة.. كان معكم محدثكم من تحت الأرض.. الشاعر حسام طنطاوى