طريقه عمل الكنافة البورمة مقدمه من شيف فاطمه عطيه

طريقه عمل الكنافة البورمة مقدمه من شيف فاطمه عطيه

مده التحضير نصف ساعة

مده الطهي ربع ساعة

من ربع كنافة  والطعم من الآخر⁦👌🏻⁩

ربع كنافة كوب الا ربع سمن ولو متوفر سمن بلدى حطوا معلقة

الكنافة البورمة

نجهز الشربات ولازم يكون تقيل /كوب ونص سكر عليه كوب الا ربع مياه ونصف عصرة لمون/ يغلى عشر دقايق او ربع ساعة

نقطع الكنافة ويستحسن نحطها فى الفريزر قبلها بساعة عشان نقطعها صغيره جدا كويس
نحمرها زى الشعرية ونديها لون حلو

الشربات بارد ناخد منه معلقة نحطها على المكسرات او السودانى عشان لايقع  واحنا بنلفها

وبقية الشربات نحطه على الكنافة ونقلب كويس
نفرد ورق فويل ونفرد كميه الكنافة على شكل مستطيل
ونحط المكسرات فى النص ونبدء نلف بورق الفويل
و نضغط لكن ماندخلش الفويل فى اللف ونكمل لف ونضغط
ونكمل لف كويس ونلم من الجوانب ونبرمها زى البونبون

نحطها فى الفريزر ساعتين عشان نعرف نقطعها

بالنسبة بقى للكورنو

ناخد جزء من الكنافة بالطول بحيث يكفى اللفة بتاعت الكورنو
ونحضر طبق جنبنا فيه ميا ساقعة متلجة
بعد ما نلف الكنافة نحط ايدنا مرة واحة فى المياه ونضغط على الكنافة عشان ما تبقاش منكوشة

انا قليتها فى زيت على سمن او لو عايزة فى زيت فقط

تابعيها بتحمر بسرعة

تطلع تحطيها فى شربات فى معلقة سمن بلدى لو متوفر
انا حشيتها كريم شانتيه عليه معلقتين كريمة لبانى
والله طعمها زى الحلوانى بظبط

والف هنا

رئيس قسم المطبخ أ سمسمه سعد