الوطن غالي … بقلم: يحيى المنياوي
الوطن غالي
بقلم: يحيى المنياوي
الوطن غالي
في السما عالي
قهرنا الاعادي
دمرنا الحصون
ومهما يحصل.. او مهما يكون
عمره ما هان.. أو يهون
ومين أنا.. ومين أكون
انا المصري الحر
شايل فوق كتافى..
من الشقى والمر..
والمر صبح عسل معسول
واسالوا عني التاريخ
مش مجرد كلام ولا قول
ابن الحضارة..وابن الأصول
ابن الأرض المروية بدم ولادي
ومن كل وادي..
عربى الهوية… وعاوج الطقية
وياما دمي سال.. بالالف وبالمية
فدى بلادي.. وفدى الوطن
المزيد من المشاركات
وبحبك يا وطن..
يا عزي وجاهي.. وماؤة وسكن..
يا حضن دافى.. غنوة وشجن..
علمى مرفوع فى السما
شوفنا من الخير زكايب
وشوفنا من الفرح هنا
ومين أكون.. ومين أنا
مصري وبفتخر
ولا تقولى فقر ولا غنا
النيل يغنى بدنددنا
وشمس طالعة فوق سطوحي
وبلدي افديها بروحي
ما انتي ياما.. طيبتي جروحي
ومهما تاخدني غربتي..
او فين تروحي
ساكنة الجوارح
ساكنة الجفون
عمره ما هان او يهون
وطني في السما عالي
الوطن غالي………..
