مدة التجهيز ٤٠دقيقة
مدة الطهي ١٢دقيقة
المقادير ببساطة. .
لتر ماء
250 جرام زيت بلاش نزود زيت لأن لو زودنا الزيت هيهرى أثناء القلى ومش هيطلع له شكل ولا منظر
ذرة ملح
وذرة سكر وممكن بدون لا ملح ولا سكر
950 جرام دقيق الأصيل
50 جرام نشا
13 بيضة حجم وسط وفانيلا
الطريقة بكل سهولة
فى وعاء هنرفع الماء والزيت ع النار لحد ما يغلو ابدأ أضيف الدقيق والنشا مع بعض
ونهدى النار ونقلب لحد ما يتكون عندنا عجينة لينة متلزقش فى الوعاء ويا ريت نفضل نقلب شوية حوالى دقيقتين كدا على نار هادية
ارفع العجين من ع النار واطلعه على الرخامة وافرده بالمردانة أو الشوبك علشان يبرد
لما يبرد نضعه فى وعاء بلاستيك وابدأ أضيف البيض واحدة واحدة والفانيلا
لما ينتهى البيض هلاقى تكون عندى عجين طرى شوية لكن مش زيادة وبيلزق قليلا
أبدا اعبى فى كيس الحلوانى اللى مركب فيه بلبلة بلح الشام واصب فى الزيت بارد علشان ميفتحش
لما أخلص صب اولع عليه واسيبه شوية لحد ما يمسك نفسه بعدين أبدأ اقلب علشان ميتكسرش
ياريت التقليب يكون مستمر علشان ميطلعش أحمر من جنب وابيض من جنب
لما ياخد اللون المطلوب نطلعه من الزيت نضعه فى شربات تقيل بااارد
مقادير الشربات الجديدة بقا. ..علشان يفضل محتفظ بلمعانه أكثر من يومين أو تلاتة
400 جرام ماء
600 جرام سكر
500 جرام عسل جلوكوز
ذرة ملح ليمون
نرفع الماء والسكر ع النار ونقلب ولما يدوب السكر والخليط يسخن نضيف العسل ونقلب ولما يبدأ يغلى نهدى النار ونتركه يغلى نص ساعة ونطفى ونتركه
ملحوظة المقادير كبيرة ممكن تقسم الي كمية اصغر
يبرد هلاقى عندى عسل
رئيس قسم المطبخ
اسماء عزازي
