المزيد من المشاركات
معايا أخلاق ومنسيه
معايا ساعات رومانسيه
وصوت الست ف الراديو
و صورة ناس وضحكايا
وألف حكايه وحكايه
معايا قلوب بتتكحل
بصوت موال وغنوايا
وصورة أم مصريه
ولمة عيلة بتتعشى
و لمبة جاز و دفايه
معايا صبر فاق أيوب
معايا قلب مش معيوب
وقصة حب ملتوته
وحدوته
وأحلى بدايه ونهايه
ف مين شاري
مين ف الماضي مداري
وشايف صورته ف مرايا
وشايف بكره من الماضي
وقال دي أصالتي من جدري
و عايشه ف بيكيا جوايا
