تبقــى غـــبـيــة … للشاعر/ محمد زيدان
تبقــى غـــبـيــة
الشاعر/ محمد زيدان
تبقى غبية
لو اتصورتى ان انا هقبل أنثى
تعلن انتصارها عليا
وان ما علشان قلبك حبيتة بشدة
هيكون اغلى من كرامتى عليا
تبقى غبية
دا انا مستحيل عاطفة تضعفنى او حتى تتحكم فيا
تبقى ساذجه وعمرك مافهمتى
الراجل اللى وثق فيكى وحبك
وانا مش هتكرر مهما اتعرفتى
من بعدى بالف راجل حبك
واعتبارى انا هعرف ارده
ومفتكرش هتبقى قد فاتورتة
وطريقنا انا اللى هحدد نهايتة
واكيد هختارلة نهاية تليق بيا
******************
تبقى غبية
لو اتصورتى ان انا هقبل أنثى
تعلن انتصارها عليا
وان ما علشان قلبك اتحب بشدة
هيكون اغلى من كرامتى عليا
تبقى غبية
دا انا قلبى باشارة منى يطوى صفحتك ف ثانية
غرك انى اتمنتلك الرضا ترضى
ومعاملتى اللى مكانتش تليق بك
ترجمتى اهتمامى على انة ضعف وترجى
للاسف تقييمك خاطىء وهثبتلك
انهم عندى من اعلى مراتب القوة
واقدر امنعهم واسحبهم ف ثانيه
ومن نفس الشخص هو هو
هعاملك اسوء نسخة فيا
********************
تبقى غبية
لو فاكرة ان انا هقبل أنثى .. تعلن انتصارها عليا
وليكى عليا اديلك درس .. ينفعك ف حياتك الجاية
زى مانتى ادتينى درس..ان قلبى لو بواحدة حس
يكون لعقلى الكلمة العليا
