شوية حاجات علمهالنا فيروس كورونا
*ان احنا مالناش غير ربنا هو البداية والنهاية والحرمان من بيوت ربنا قاسي.
*عمل الخير غير مشروط بلون او دين او عرق او جنسية.
*أمريكا مش هي الدولة الرائدة في العالم زي ماكنا فاكرين.
*الصين فازت في الحرب العالمية الثالثة من غير ما تضرب ولا صاروخ!
*الأوروبيون مش متعلمين قوي كدة زي ما كنا فاكرين .
*نقدر نقضي أجازاتنا من غير ما نسافر عادي.
*معظم الاغنياء مناعتهم قليلة مقارنة بالفقراء.. الموضوع ملوش علاقة بالغنا والفقر.
*فيه جزء كبير من البشر إستغلالي وحقير بغض النظر عن وضعهم المالي وبيظهروا بوضوح وقت الأزمات.
*البشر هم اضعف كائن على وجه الارض وهم ايضا الفيروس الحقيقي على الكوكب
. *لو شوفنا حظر كامل لفترة 15 يوم مثلا هنتكشف ونعرف أن احنا فقره اوووي وممكن نأكل بعض.
*الناس اللي شغالة ف مجال الصحة والعلم يستاهلوا ويستحقوا مقابل مادي أكتر بكتير من لعيبة الكورة والفنانين.
*البترول ملهوش قيمة في مجتمع بدون استهلاك.
*عرفنا إحساس الحيوانات وهي في الأقفاص
*الناس تقدر تشتغل من البيت وترحم الشوارع والمواصلات والسيارات
*إحنا والأطفال بنعرف ناكل ونعيش من غير أكل من برة / junk food
* إنك تعيش حياة صحية مش صعب اوي زي ماكنا فاكرين! ونعرف نعيش من غير مولات ولا كافيهات
*لابد من اعاده ترتيب اولويات حياتنا واهمها بناء مدارس و مستشفيات أكتر
*لسه فيه ناس كويسة وجواها خير في العالم وناس زباله والفلوس دينهم بغض النظر عن ديانتهم.
*ربنا هو المصدر الوحيد للأمان في هذه الحياة.
*الازمات تظهر معادن الناس وسلوكياتهم على حقيقتها.
*تجربة العالم كله مر بيها مين هيتعلم ومين هيفضل ضال..مين هيستغل الفرصة ويتوب ومين هيفضل بضعفه.
كتبت/ماريانا مختار