توفيق الدقن لمحمود السعدني: فنان المسرح في مصر غير مقدر ماديا او أدبيا
في برنامج إذاعي قديم أذيع سنة 1968 حاور الكاتب محمود السعدني الفنان توفيق الدقن، وانتقد السعدني الدقن بسبب كثرة أعماله السينمائية والتلفزيونية والإذاعية وعدم أهتمامه الكافي بالمسرح الذي كان يمكن أن يثبت جدارته فيه ويكون من كبار نجوم المسرح المصري،وخلال الحديث الإذاعي كشف الدقن سبب كثرة أعماله في السينما و التلفزيون والإذاعة والمسرح بسبب التزاماته الأسرية
الدقن يكشف كثرة أعماله
وفي بداية اللقاء قال الكاتب محمود السعدني استاذ توفيق الدقن انت واحد من مفاخرنا المسرحية وانت لما طلعت زمان في المسرح في المسرح الحر في مسرجية الناس اللي تحت الناس مصر كلها صقفت لك وبعد كده تالقت في المسرح القومي وتالقت في السينما والاذاعة وفي التلفزيون انما انا لاحظت حاجة رهيبة بعد هذا التالق بدأت تبقي زي المكنة اذاعة تلفزيون مسرح سينمامبقتش تحدد نفسك بقيت تعمل همبكة وتعمل ظابط بوليس جرامي بتعمل معلم بلدي بتعمل كل حاجة بتعمل كل شى لدرجة بتقال عنك في الوسط الفني انك الممثل اللي لا يرفض اي شي انا عايز اسالك انت ليه عملت كده وانت ليه محددتش نفسك مع انك انت طاقة فنية عظيمة وممكن الاستفادة منك فايدة عظيمة يعني انت ممكن تبقي مختار عثمان الجديد ممكن تبقي من عمد المسرح وعمد التمثيل في مصر والي فترة طويلة من الزمان انت ليه محددتش نفسك في مجال واحد.
فنان المسرح يعاني عدم التقدير
اجاب توفيق الدقن استاذ محمود انا لا اؤمن بتخصص الفنان في ناحية معينة من الفن يعني سيلدتك بتقولي اني كان ممكن جدا كنت ابقي قاصر علي دور معينده اللي فهمته من حديثك.
فقاطعه محمود السعدني لا انا مش قصدي كده انا اقصد الفنان الكويس بيعمل كل دور بيعمل كل لون بس بيعمله علي مهله يعني يعمل مثلا دور في المسرح عظيم دور في السينما عظيم دور في التلفزيون عظيم يعني مش اي دور ومش علي ودنه ومش علي طول ده لببس اقصده
استاذ محمود اعتقد انت اول انسان بتعيش مشكلة الفنان المسرحي عندنا في بلدنا الممثل المسرحي يكاد يكون هو اقل موجود بالنسبة للناس الاجهزة او بعض الاجهزة المسئؤلة لاتستطيع ان تفي بحقوق الفنان المسرحي الفنان المسرحي لا يقل اطلاقا عن ممثل السينما عن ممثل الاذاعة او التلفزيون لو جيت للمسرح وسالتني انت مرتبك كام هقؤالك بمنتهي السعادة انا باخد خمسين جنيه انما تعال شوف الخمسين جنيه اللي بحترق بيها كل يوم دي بتصفي علي كام الخمسين جنيه بياخدو منها استقطعات 11 جنيه بتقي 38 او 39 جنيه بتيجي الضرائب تاخد 25 في المية 12 جنيه ييجي هما يخصموا بدل سفر نتيجةعملي ولفي في البلاد ما بين بورسعيد اسكندرية وراس البر يعني بييجي توفيق الدقن اللي عنده 3 عيال وملتزم قدام المجتمع بالتزامات خطيرة جدا ياخد في الاخر 19 جنيه دول يدفعوا اجرة البيت ولا يجبولي انا مصاريفي في المسرح لا اعمل ايه قولي..
رد عليه محمود السعدني يعني انت مضطر تعمل كده
رد عليع توفيق الدقن طبعا انا مرغم اعمل كده انا غير راضي عن كثير ممن الاعمال اللي قمت بيها انما ازاي
فساله محمود السعدني يعني انت كان يدوك كام في المسرح عشان تبطل كل ده وتعمل الحاجات اللي علي كيفك بس يعني ايه اللي يكفيك انت في الشهر
اجاب توفيق الدقن اللي يكفيني في المسرح او يكفي اي فنان ان ياخذ مرتب يكفيه ان يعيش بكرامة وبشرف اني الاقي 30 يوم مفكرش بكره هاكل ايه او بكره هاشتغل فين او اروح فين.
وساله محمود السعدني يعني هل انت اللي بتكسبه يدوبك بيكفيك ولا يكون اكثر مما يكفيك
اجابه الدقن يكاد يكون اكثر مما يكفيني بس علي حساب مصلحتي تبص تلاقي ادوية كتير شقاء كتير وبعدين قرش مش منظم تلاقي قرش جاي من هنا قرش رايح هنا مفيش تنظيم للعملية اساسا
علق السعدني علي كلام الدقن تستطيع انك مشتغلش وهما هيجرو وراك
رد عليه الدقن يجروا ورايا طيب ما بقعد بالسنة وبعدين بتبلغ ديوني ومسئولياتي انت يظهر لا تدرك مسئؤلياتي يا استاذ محمود
قال له السعدني لا انا عايز اسال سؤال تاني يعني انت لو قعدت وقولت مش هاشتغل مش هيجروا وراك
رد الدقن مين دول يسبوك تموت من الجوع قاطعه السعدني اللي هما مين
فاجاب الدقن اللي هما المسؤولين عن الفنون كالمخرجين دول ما يصدقوا يلاقوك انت مبتشتغلش يقتلوك يمعنوا في قتلك اكتر بل يزيدو في اماتك اكتر
فقاطعه السعدني انا كنت فاهم انك وانا بسالك ان انت منتش داري بالمسالة اللي انت فيها اتاريك داري وعارفوواعي ومنتش راضي
رد عليه الدقن لا انا مش راضي طبعا مش راضي اطلاقا.
فساله السعدني انما امنيتك ايه تكون ايه لو اخترت تخصص في اي مجال
اجابه امنيتي لو اخترت المسرح لا جدال المسرح عندي بالدنيا بحالها المسرح لا اقبل ليه بديل اطلاقا ده حياتي وحبي وكل املي اكون فنان مسرح كبير واحافظ علي قدر طاقتي وانما انا اعمل ايه وظروفي المحيطة
فساله السعدني لما اجي اسالك واقولك توفيق الدقن دلوقتي فين مين هو تقول ايه بالظبط
توفيق الدقن هو اللي تلاقيه بيجري في الاذاعى وفي في التلفزيون وفي السينما وبيجري في الشارع وفي البيت بردو بيجري
فعلق علي كلامه السعدني يعني انت الجاري توفيق الدقن
فاجابه الجاري يوم 15 الجاري توفيق الدقن ههههههههههههههههه
يعني الفنان الجاري الحمد لله اني افنان الجاري يعني زي الماء الجاري يعني مش راكد ومتحرك
وساله السعدني اشتغلت السنة اللي فاتت في كم رواية
اجابه الدقن اشتغلت رواية واحدة هي الزير سالم وعدت خمس روايات علي المسرح العايم
ساله السعدني والسنة اللي قبلها
اجاب الدقن لا السنة اللي قبلها اشتغلت خمس روايات بطولات مطلقة انا عامل من سنة 56 لغاية 66 76 بطولة 60 مسرحية والسنة دي شغال دايرة الطباشير القوقازية بدايتها السنة
وفي الختام قال السعدني طيب طالما انت واعي للمشكلة اللي انت فيها تجد الوسيلة اللي تفرمل بيها نفسك قبل ما تجري لحد
ما يتقطع قلبك وتقع في السكة
فقال الجقن زي بعضه اكون سعيد جدا اني بادي رسالة طالما انا مش لاقي تقدير ادبي او مادي اديني باجري
فقال له السعدني انا عايز رسالتك تكون فنية مش فواتيرية
فقال له الدقن نهار ما يكون فيه استقرار للفنان يبقي فيه تقدير فعلا مبقاش فواتيري
مقال بقلم احمد علي
