إعداد وحوار: ريهام طارق
ساعات قليلة وتنطوي صفحة عام 2025، لنودّع معها 365 يومًا مثقلين بذكريات متناقضة ما بين بدايات حب ونهايات كتبت، عشنا ايام غمرها الفرح وأخرى سكنها الحزن، لحظات شعرنا فيها بالقوة وأخرى واجهنا فيها الانكسار و الخذلان.
فقدنا فيها أشخاصا غاليين تركوا فراغا لا يملأ، ودخل إلى حياتنا آخرون أصبحوا مع الوقت جزءًا أصيلا من تفاصيلها.
انتهى عام 2025، لكنه ترك لنا رصيدا من الذكريات يصعب نسيانه، ارتبطت كل واحدة منها بأغنية كانت شاهدة عليها ورفيقة لها، ولا يمكن إنكار أن 2025 شكل عامًا استثنائيا على مستوى الإنتاج الموسيقي، إذ شهد طفرة فنية لافتة وقدّم عددًا ضخم من الأعمال الفنية التي تركت أثراً واضح وبصمه مؤثرة في المشهد الموسيقي العربي.
في هذا الحوار، نسلط الضوء على أبرز عناوين الأغاني التي حققت نجاح كبير خلال عام 2025، لتكون بمثابة بوابة عبور إلى عوالم النجوم الذين لمع نجمهم و تألقوا بقوة، وتركوا بصمة واضحة في المشهد الموسيقي خلال العام المنصرم.
ضيف حواري اليوم هو الصحفي الكبير الأستاذ خالد فؤاد، رئيس مجلس إدارة ورئيس تحرير مؤسسة “اليوم للإعلام”، التي تضم عددًا من الجرائد الصحفية البارزة، من بينها جريدة أسرار المشاهير، اليوم الدولي، تريندات العالم، وجريدة أخبار مصر 24.
وفي حوار خاص، فتح الأستاذ خالد فؤاد قلبه لنا، كاشفًا عن جوانب إنسانية وشخصية غير معروفة من حياته الخاصة، لأول مرة.
في البداية أرحب بالصحفي الكبير خالد فؤاد في بيته جريدة أسرار المشاهير ونشكره على إتاحة الفرصة لإجراء هذا الحوار.
لو تم دعوتك لحضور “حفله تنكريه” نفسك تلبس اي شخصية من زمن الأبيض والأسود ؟
الفنان القدير نجيب الريحاني.
تقول لمين أنت “سيد الناس” في 2025 وكل السنين اللي جايه؟
ابنتي الغاليه رحمه.
مين كان “ضل حيطة” في حياتك في 2025؟
ناس كتير بس بتخلص منهم أول بأول.
مين حلفت وقلت والله لاكون “عقده حياته” في 2026؟
أي شخص كذاب أو منافق.
عدي عليك وقت في 2025 وقلت الوسط الصحفي “خذلني“؟
كتير قوي قولت الوسط الصحفي خذلني.
امتى حسيت انك شايل “الشيله كامله” ؟
طول عمري شايل الشيله كامله.
كام مره اتقال لك “اهدي” وأنت بتشتغل في 2025؟
كتير جدا جدا الشغل في مجال الصحافة مدمر للأعصاب.
مين دخل حياتك في 2025 وحسيت “كأنه مجاش“؟
اكتر من شخص.
شخص كان “بيستهبل” في حياتك في 2025؟
أحد أبنائي الغاليين.
من تقوله “تيجي نحارب” في 2026؟
صديقه عزيزه بس لسه تحت الاختبار.
مين بتحس معاه انك مطمن وبتقوله محتجالك “احكيلك خوفي” ؟
ابني فؤاد.
شخص لو سألوك عنه هتقول “معرفش حد بالاسم ده” في 2025؟
في كذا شخص بس مش هينفع أقول اسمائهم.
شخص لما بتفتكره تقول والله “عيونه عليا هدمع” و هيندم على قلة اصله معايا في 2025؟
صديق افضل مذكرش اسمه.
مين تقوله في بداية 2026 “تيجي نرجع“؟
صديق نفسي ترجع صداقتنا تاني زي زمان لانه شخص محترم.
نفسك تقول لمين “بدي اقول بحبك“وأنت بتستقبل 2026؟
بنتي رحمه
امتي صرخت بصوت عالي وقلت “خطفوني” في 2025؟
مره لما حسيت انهم خطفوا احلامي.
مين “بابا” المجال؟
صحفي كبير اسمه اشرف غريب
ايه التصرف اللي عملته في 2025 واعتبرته “خطيه” ؟
اتكلمت عن فنانه من زمن الأبيض والاسود في حلقه مصوره ولكني ندمت رغم اني كل ما قلته حقائق موثقه ولكنها الآن بين يدي الله لا حول لها ولا قوه.
مين الشخص اللي بتقول له “بتمني انساك” وأنت بتقفل 2025؟
اكتر منه حد.
زعلت مين منك في 2025 وبتقوله “سوري” صافيه لبن قبل ما نبتدي 2026؟
مفتكرش إني زعلت اي شخص لان أنا إنسان بطبعي بخاف جدا على مشاعر الإنسان اللي قدامي ومش بحب اكسر بخاطر اي حد.
هتقول لمين ومن داخل 2026 “الله يحنن” و هتقفل بابك في وشه ؟
لا ناس كتير جدا .
مين اكتر ناس تعاملت معاهم في 2025 وكانوا ايقونه “الذوق العالي” ؟
اكتر من شخص حقيقي كانوا فعلا ايقونه الذوق العالي.
مين نفسك تشوفه قبل ما تنتهي 2025 وبتقوله “واحشني يا ابن اللذينا” ؟
الصحفية ريهام طارق.
مين في حياتك شايفها “ملكه جمال الكو “؟
زوجتي العزيزة في عيوني هي ملكة جمال الكون
قلت كام مره محتاج “دكتور” نفسي في 2025؟
حوالي أربع أو خمس مرات.
هتقول لمين في نهاية 2025 “خلونا نشوفكم تاني” ؟
لو ناس طيبه لا في ناس كتير قوي هقولهم خلينا نشوفكم تاني.
كام مره قلت في 2025 “الاحتياج وحش” ؟
قلتها كتير جدآ
هتقول لمين وانت خارج من 2025 “هوينا“؟
ناس كتير جدا.
امتي تشوف الست”سلطانه“؟
لما تكون حنينه وهاديه وراقيه في اخلاقها و تعاملاتها مع الغير و مطيعه لزوجها.
لو هترسم لشخص واحد فقط “احلى رسمه” هيكون مين؟
بنتي رحمه.
قلت “حب تاني” لا في 2025؟
لا خلاص الحب الأول والأخير لزوجتي الغاليه فقط.
إيه هي “الوعود” اللي وعدت نفسك بيها في بداية مشوارك الفني وحققتها؟
أنا راضي الحمد لله بشكل كبير جدا عن كل اللي وصلت له انهارده في مشواري الصحفي والحمد لله حققت احلام كتير وكفايه عندي إني مشيت مشواري الصحفي بشرف.
امتى حسيت انك محتاج صديق وشفت ان “مفيش جدعنه خالص“؟
كتير جدآ
”خبر عاجل” اللي نفسك تعلنه عن حياتك الشخصية في بداية 2026؟
حاجات كتير نفسي أعلن إني تخلصت منها.. أهمها الطيبه الزايده لأنها للأسف فاشلة في الزمن ده.
أول “قرار شخصي” هتنفذه في بداية 2026؟
خطوه مهمه في حياتي تأجلت كتير وهي تنفيذ عدد من الأعمال الفنية من كلماتي بالتعاون مع فنانين حقيقيين و محترمين باسم جمعية الصحافة و جريدة المشاهير.
“لو لينا عمر” ايه أول حلم نفسك تحققه في 2026؟
انطلاق المؤسسة الصحفية بشكل قوي.
في النهاية نشكر الصحفي الكبير خالد فؤاد رئيس مجلس إدارة ورئيس تحرير مؤسسة اليوم للإعلام علي هذا الحوار الأكثر من رائع على وعد بحوار آخر مع نجم جديد ونجاحات جديدة مع ريهام طارق.
نبذة عن الكاتب:
ريهام طارق صحافية مصرية من أصول لبنانية، متخصصة في كتابة الأخبار الفنية والثقافية، وأجرت حوارات مع نخبة من أبرز نجوم الغناء والتمثيل في الوطن العربي، تشغل حاليًا منصب رئيس قسم الفن ومساعد رئيس التحرير بجريدة {أسرار المشاهير} في جمهورية مصر العربية.
بدأت مسيرتها المهنية من المملكة العربية السعودية عبر جريدة {إبداع}، في الرياض قبل أن تنتقل للعمل في عدد من المؤسسات الإعلامية الكبرى في الوطن العربي، منها {جريدة الثائر و جريده المغرد} في لبنان، وجريدة {النهار} في المغرب، ومجلة {النهار} في العراق، ومجلة {المحور} في الكويت.
كتبت الصحفية ريهام طارق أيضا مقالات تحليلية في مجالات السياسة الدولية وأسواق المال الأمريكية والأوروبية، كما تولت عضوية اللجنة الإعلامية في المهرجان القومي للمسرح المصري. وتقدم حاليًا محاضرات متخصصة في الصحافة في مسقط، عاصمة سلطنة عمان.