إعداد وحوار: ريهام طارق
دقائق ونودع 2025 ، ونودع معاها ذكريات كتير عشناها منها حب تولد ونهاية كتبت.. عشنا في2025 ايام مليانه فرح و سهرنا ليالي كانت كلها حزن ودموع، واجهنا فيها لحظات انكسار.. حسينا كمان لحظات تحدي.. تخدعنا من اكتر ناس وثقنا فيهم، بس ربنا عوضنا عنهم بأشخاص قدمت لنا الامان و الاحتواء، فارقنا فيها اغلي الناس، ودخلوا حياتنا ناس غيرهم حياتنا و أصبحوا اعز الناس.
خلصت 2025، و سابت ذكريات ارتبطت كل واحده فيهم بأغنية كانت شاهدة على تفاصيل حكايتها.. أغاني كانت محطات استثنائية، تركت أثراً خاص في المشهد الموسيقي العربي، وصنعت مسارات جديدة لفنانين استطاعوا الجمع بين الرؤية الفنية الحديثة والمختلفة والنجاح الجماهيري أيضا.
ومن خلال حوارنا مع الشاعر الغنائي رضا المصري نسلط الضوء على أهم عناوين الأغاني التي تصدرت المشهد الموسيقي في 2025، وفرضت نفسها بقوة، وحققت نجاحا كبير، ومن أبرز أعمال الشاعر رضا المصري في 2025 كانت اغنيه “كلام عيب بتحكي” ضمن البوم رامي جمال ومن ألحان فارس فهمي
في البداية نرحب بـ الشاعر الغنائي رضا المصري في مجلة أسرار المشاهير ونشكره على إتاحة الفرصة لإجراء هذا الحوار
مين اول حد جه في تفكيرك حالا و نفسك تعزمه علي.. “العنب الساقع“؟
هعزم كل حبايبي.
بعدت عن مين في 2025 وبتقوله في نهايتها .. “كيفك علي فراقي“؟
شخص كان صديق وزميل معاه ربنا بقي.
تقول لمين انت.. “حبيبي وابن حبيبي“؟
أقولها لأي شخص متربي وطالع من بيت أصول.
تقول لمين “صاحبي يا صاحبي” أنت معايا في 2026؟
بنتي رحمه.
فنان ودعنا في 2025 بتقوله .. “فعلا مبيتنسيش“؟
المطرب الراحل احمد عامر رغم أننا اتقابلنا مره واحده بس فعلا مبيتنسيش.
تقولها لمين في بداية 2026.. “ميتعزش“؟
هي كلمه ذو حدين.. ميتعزش عمري علي الغالي
و ميتعزش من باب الرفض، ودي اقولها لكل شخص زعلت منه في 2025
لو تم دعوتك لحضور.. “حفله تنكريه” هتلبس أي شخصية من زمن الأبيض والأسود ؟
طبعا هختار شخصية عمنا فؤاد نجم.
محمد حلمي البلك: “بابا” المجال هو كل مذيع فهم ان الإعلام رساله و مسؤولية وأمانه
تقول لمين كل ما تفتكره ولله.. “عيونه عليا هدمع” و هيندم على قلة اصله معايا في 2025؟
شخص عرفني علشان يستغلني يعني معرفة مصلحة لا غير..
مين.. “رقم واحد” في حياتك في 2026؟
قلمي.
أمتي قولت في 2025 الوسط الفني.. “خذلني“؟
كتير خصوصا لو قولت كلمه حق.
امتى حسيت انك شايل.. “الشيله كامله” ؟
لما ابني عاش في الغربة.
كام مره اتقال لك.. “اهدي” وأنت بتشتغل في 2025؟
كتير. ومن شخصين.
أحمد شكري: بحلم اكتب بوست في 2026..“قريباً مع الهضبة عمرو دياب”
الأول بيحبني وخايف على صحتي، والشخص التاني كان بيقولها نفاق وغل.
تقول لمين كل كلامك في 2025 طلع.. “كلام فارغ”؟
لكل شخص موهوم وشايف نفسه موهوب وهو فاضي و بيحاول يحارب النصيب.
شخص رغم بعدك عنه في 2025 بعد خلافك معاه لكن.. “مكرهتوش“؟
كل انسان يصون العيش والملح، قلبه أبيض لا يفجر في الخصومة.
تقول لمين أنت.. “سيد الناس” في 2025 وكل السنين اللي جايه؟
في ما مضى وماهو آت مفيش غير سيد الخلق سيدنا ونبينا وحبيبنا محمد صلى الله عليه وسلم.
شخص دخل حياتك في 2025 وحسيت .. “كأنه مجاش”؟
انسان مش بيوفي بوعد ولا بيصون عهد.
مين اكتر شخص كان.. “بيستهبل” في حياتك 2025؟
هو عارف نفسه.
بلال سرور: سميرة سعيد أيقونة الذوق العالي والقياتي صاحبي وحبيبي وابن حبيبي
تقول لمين في بداية 2026، .. “تيجي نحارب“؟
اقولها لـ عزيمتي.
مين بتحس معاه انك مطمن وبتقوله محتاج.. “احكيلك خوفي” ؟
اكيد بعد عد ربنا محتاج لك والدي وامي.
شخص لو سألوك عنه في 2025، هتقول .. “معرفش حد بالاسم ده“؟
اي انسان ظلمني.
تقول لمين في بداية 2026.. “تيجي نرجع“؟
روقان البال والحياة الهادئة.
امتي قلت في 2025.. “قبلت التحدي“؟
لما اكتب على تيمة.
امتي صرخت بصوت عالي وقلت.. “خطفوني” في 2025؟
لما بسمع تترات الزمن الجميل.
تصرف عملته في 2025 واعتبرته “خطيه” ؟
اتعاملت بقلبي مع ناس كانوا بيعاملونى بدماغهم
شخص بتقول له.. “بتمني انساك” في 2026؟
الحزن
شخص زعل منك في 2025 وبتقوله.. “سوري” صافيه لبن قبل ما تبدأ 2026؟
اقولها لنفسي
تقول لمين ومن داخل 2026.. “الله يحنن ” و هتقفل الباب في وشه ؟
متسولين الفن.
مين اكتر ناس اتعاملت معاهم في 2025 وكانوا ايقونه “الذوق العالي” ؟
الموزع الموسيقي طه الحكيم
مين نفسك تشوفه قبل ما تنتهي 2025 وبتقوله “واحشني يا ابن اللذينا“؟
ابني
شايف مين في حياتك.. “ملكة جمال الكون “؟
شهاده لله زوجتي وبس
كام مره قلت محتاج.. “دكتور” نفسي في 2025؟
كتير
هتقول لمين في نهاية 2025.. “خلونا نشوفكم تاني” ؟
الناس الطيبين
كام مره قلت في 2025 “الاحتياج وحش” ؟
لما شخص وثقت فيه يخذلني.
هتقول لمين وانت خارج من 2025.. “هوينا“؟
لكل شخص انتهازي.
لو هترسم.. “احلى رسمه” لشخص واحد بس هيكون مين ؟
هختار شخص يكون معطاء وكريم فاهم عطاء حتي لو مش صاحبي.
قلت.. “حب تاني” لا في 2025؟
بقولها بس وأنا غضبان ومتعصب.
“كلام عيب يتحكي”.. في 2026؟
هقوله لكل شخص مابيتكسفش علي دمه.
امتى حسيت انك محتاج صحابك وشفت ان.. “مفيش جدعنه خالص“؟
لما خضعت لعملية جراحية ولقيت اتنين تلاته اللي واقفين جنبي.
مودي نبيل: أمي هي بطلة حكايتي وفارس فهمي بابا المجال
“خبر عاجل“.. نفسك تعلن في بداية 2026؟
نفسي اقول رايح ازور الكعبه المشرفه
“قرار شخصي” .. هتقوم تنفيذه فورا في بداية 2026؟
التزم بالصلاة والتقرب من الله اكتر.
لو “لينا عمر” ..ايه أول حلم نفسك تحققه في 2026؟
اشوف بنتي رحمه مخلصة ثانوية عامة وداخلة كليه حلوة.
في نهاية الحوار نشكر الشاعر الغنائي رضا المصري على هذا الحوار الأكثر من رائع على وعد بحوار آخر مع نجم جديد ونجاحات جديدة مع ريهام طارق.
نبذة عن الكاتب
ريهام طارق صحافية مصرية من أصول لبنانية، متخصصة في الأخبار الفنية والثقافية، أجرت حوارات صحفية مع نخبة من أبرز نجوم الفن في الوطن العربي، وتشغل حاليًا منصب مساعد رئيس التحرير ورئيس قسم الفن بمؤسسة [اليوم للإعلام] التابعة للهيئة الوطنية للإعلام، والتي تضم عددًا من الإصدارات الصحفية، من بينها مجله أسرار المشاهير، اليوم الدولي، أخبار مصر 24، وجريدة تريندات العالم في جمهورية مصر العربية.
انطلقت مسيرتها المهنية من المملكة العربية السعودية،عبر جريدة [إبداع] في الرياض، قبل أن تنتقل للعمل في عدد من المؤسسات الإعلامية الكبرى في الوطن العربي، من بينها جريدة [الثائر] وجريدة [المغرّد] في لبنان، وجريدة [النهار] في المغرب، ومجلة [النهار] في العراق، ومجلة [المحور] في الكويت.
كتبت ريهام طارق أيضا عددًا من المقالات التحليلية المتخصصة في مجالات السياسة الدولية وأسواق المال الأمريكية والأوروبية، كما شغلت عضوية اللجنة الإعلامية للمهرجان القومي للمسرح المصري، وتعمل حاليًا على تقديم محاضرات متخصصة في الصحافة بمدينة مسقط بسلطنة عمان.