سويسرول ملون مقدمه من ايمان عبد الوهاب

كتبت سمسمه سعد

مدة التحضيرمن ١٥ : ٢٠ دقيقة

مدة الطهى ١٠ دقائق

المكونات

٥ بيضات نفصل الصفار عن البياض

١٥٠ جم دقيق (كوب الا ربع )

٥٠ جم نشا (ربع كوب)

١٠٠ جم سكر (نصف كوب)

فانليا وملعقة صغيره خل ورشة ملح

٣ ملاعق كبيره جيلى فراوله

١ ملعقه كبيره كاكاو خام

ورق زبده

الطريقة

_فى وعاء نضيف وجاف تماما نضع بياض البيض وعليه رشة ملح ونخفقه بالمضرب الكهربائى وأثناء الخفق نضع الخل ثم  نضع نصف مقدار السكر (ربع كوب) على ٣ مرات ويستمر الخفق حتى يصبح البياض مارنج بمعنى اننا نرفع المضرب ونلاحظ ان البياض العالق بيه على شكل منقار .

_فى وعاء اخر نضع صفار البيض وعليه الفانليا وباقى السكر ونخفقه وبعد ذلك نضيف الدقيق المخلوط بالنشا على ٣مرات ونقلبهم ثم نبدأ فى إضافة البياض بالتدريج على ٤ او ٥ مرات مع التقليب بالراحة حتى لايخرج الهوا من البياض و يختفى البياض مع الصفار وبعد ذلك نقسم الخليط على ٣

١_  خليط  فانليا ( وده الخليط الاساسى اللى احنا عملناه)

٢_خليط الفراوله(هنضيف ٣ معالق كبيره جيلى فراوله ونقلبه فى معلقه من الخليط الاول  كويس وبعد كدا نضيف الباقى مع التقليب بالراحه عشان الهوا مايخرجش )

٣_ خليط الشيكولاته( معلقه كبيره كاكاو خام ونقلبه فى معلقه من الخليط الاول بعد كدا نضيف الباقى مع التقليب بالراحه عشان الهوا مايخرجش )

_نأتى بصاج او صنية مستطيلة مقاس ٣٠ *٤٠ ونفرش بها ورقة زبده ونضع الخليط واحده فراوله واحده ابيض وحده شيكولاته وهكذا حتى ينتهى الخليط  وندخله الفرن على درجة حرارة ١٨٠ لمدة ١٠ دقائق تقريبا ونختبره بوضع خله ولما تطلع نضيفه يكون استوى نخرجه من الفرن ونغطيه بورقة زبده او فوطه نضيفه ونضغط عليه علشان نكبسه فى بعضه وبعدين نقلبه ونشيل ورقة الزبده ونجيب شربات خفيف (عباره عن ماء وسكر يغلو مع بعض على النار ٥ دقائق ) ونسقى بيه السويس رول وبعدين نفرد صوص الفراوله او مربى الفراوله او كريمه مضاف ليها صوص الفراوله او اى حشوه تحبوها ونلفه كويس اوى ونضغط عليه واحنا بنلفه وكمان نجيب حاجه ( ممكن خشبه او الرول الكرتون بتاع ورق الزبده او الفويل )ونضغط  على السويس رول  ونسحب الطرف اللى تحت بتاع ورقة الزبده اثناء الضغط ونلفه ونشيله  فى التلاجه لمدة ساعتين ولو مستعجلين عليه ممكن نحطه فى الفريزر ربع ساعه وبعدين نقدمه

★طريقة تانيه للرسم عليه

اننا ممكن ناخد كميه صغيره من خليط الفانليا ونلون شيكولاته  وفانليا ونرسم بيهم على ورق الزبده وبعدين ندخله الفريزر ٥ دقائق  وبعدين نفضى عليه باقى الخليط

★طريقةتالته اننا نقسمهم علي٣ ونحط الخليط جمب بعضه يعنى نقسم الصاج على ٣ اول جزء ابيض والتانى فراوله والتالت شيكولاته

وبألف هنا

رئيس قسم المطبخ أ سمسمه سعد

واسماء عزازي