شوفتك نسمه بقلم / جمال القاضي
شوفتك نسمه
بقلم / جمال القاضي
شوفتك فصل ربيع
حبك فيه
زي النسمه الهاديه
يلمس فيها عبيرك
أنفاس شهقاتي
ينبض بيها القلب
بشوق وحنين
شوق بيخلي القلب
داير حاير
يفكر فيك ويسرح
يسرق مني
كل أوقاتي
ومعرفش أنا مين
غير إني بحبك
حنين وأحس معاه
بدفء الصيف وحرارته
لما أقرب منك أحس
وأحس بحاجه غريبه
كأني زي طيور
وقت عصاري
طايره لفوق وتغني بفرحه
نشيد مكتوب بحروف الحب
وكأني كمان فوق الموج
في بحر غريق
من بحر هواك
أجدف فيه بمشاعر قلبي
بترسيني على شط هواك
ألمس إيدك بس برعشه
وكأن بإيدي ماسك بينها
فراشه جناحها رقيق
أو ورده برقة وفيها
نعومه لحرير منسوج
أشوف لعيونك نظره
أسرح فيها وأكتب
من نظرتها
كل كلامي
وقلبك هوا كمان
أسمع منه النبض العالي
نبضه تقولي إنت حبيبي
ونبضه تهز كياني
أحس معاها
بطعم الفرحه
وأنسى دموع من قبل
كانت سايله
المزيد من المشاركات
لأني معاك شوفت الحب
غير معانيه
قلبك فيه له معنى جميل
سجن حدوده
بوسع الكون
صرت معاه أسيرك إنت
بس برغبة قلبي دخلته
على باب أسواره
حبك جنده
يحرص قلبي
يصد هجوم لأي قلوب
كانت ناويه
تعبر ليه أسواره العاليه
وكان الرد من قلبك
نظره من جوه عيونك
تحرق سهم وسيف
صوب ناحية قلبي
وأصبح سجنك حصن منيع
يمنع أي هجوم لنساء
كان مطمعها تسكن قلبي
وحبك أنت بقلبي
راح أسوار يمنعها
حبك ليا نصيب مكتوب
وجمالك لما بشوفه
أو غيري يشوفه
بيخلي القلب النايم يصحي
ويخلي لساني الساكت دايما
ينطق فيك كلام ويقول
حبك زي عروسه بقلبي
لابسه الطوق وعلى راسها
التاج من فوق الزينه
ولابسه كمان فستانها الأبيض
والوجه مغطي جماله
بأجمل طرحه راح القلب
من غير يعد كلمات
يغني قصيدة حبه بفرحه
أحبك حب بينسيني
أي كلام ناوي أقوله
لما بشوفك وأسرار القلب
عيوني بنظره تفضح ليه
كل أسرار كان من قبل
من خوفه يخفيها
بس اليوم راح يفضحها
ومنه يروح الخوف ويحس أمان
بقربك جنبه وحبك ساكن فيه
مع أرق تحياتي ( جمال القاضي )
