فرحة و بشارة … شعر: خالد أسعد على أحمد
فرحة و بشارة
شعر: خالد أسعد على أحمد
جيلك بفرحة و بشارة
بضحكة راسمها فى عبارة
على خدك صداها فى عمارة
و نار الشوق جيانى طيارة
جيلك. قلبى. بتعيده
و ضحكة. تمحى تنهيدة
وخير جيلك سكته بعيدة
هيوصلك و انت سعيدة
على كفك كاتب حروف أسمى
وشهدك وصفه الطبيب وسمى
و عشقى ليك جاى على رسمى
و فيكى أقول حروف تسمى
و انت جوايا ملكانى و سكنانى
بتكبيره فى يوم العيد تلقانى
تمد حبال. الود وصلانى
على حدودك صباح العيد فرسانى
