في كل عام.. بقلم/ غرام نعيم.

في كل عام بيمر وقت الموت علينا قصاد عنينا
ماهو أصله حق علينا يعني ومش ناسينا
وفي مرة عام راح بيجي فيها الدور علينا
ده حيبقى فجأة ويعني مش حيمر تاني قصاد عنينا
يومها بس راح تفتكر وتقول لنفسك أنا. أنا كنت فين
صح فعلا كنت فين لما اللي قبلك رحل قدام عينيك
وكنت فين لما جيت عالخلق وافتريت وكان كله بإيديك
وكنت فين لما فرطت في صلاة وصيام سنين
وأما الزكاه بتغرمك ومفيش حقوق للمحتاجين
وفين لما أكلت من الحرام ولا ظلمت في المدام
واما ماعرفتش تربي عيال تمام
وكنت فين لما الكبائر كلها كنت ارتكبت
وكنت فين وكنت فين وكنت فين
دلوقتي جاي تقول ياربي توبت
طب ليه بقى بحق العباد كنت استهنت
دلوقتي وقت انتصار المظلومين
وقت يفرح فيه كل من كان في الأرض يبات حزين
أصل يعني التوبة مش كلمتين ولا انزل دمعتين
التوبة يعني حق يرجع للمظلومين قبل ماتفوت السنين
ويبقى ده اليوم اللي تبات فيه انت الحزين