قصيدة الشاعر سيد البالوي “دولة التلاوة”

قصيدة “دولة التلاوة”

الشاعر / سيد البالوي

فى وقت كان الظلام
غطى سطوح البلد
والفجر بعد مش كتير
لكن بعيد
حتى النجوم غابت
وحطوا بأسمها
مصابيح صفيح
ازاي تزيح جبل الظلام
من وهم عشش فالعقول
يا دولة الحق الأكيد
هل من مزيد ؟
هل من مزيج ؟
هل من مذيع؟
يعلن صلاة الفجر
أو جنازات الظلام
الفرق بين الضي والعتمة دليل
والفرق بين الحي والميت كلام
تمنعني ليه اصرخ وأقول
كم دولة غطاها الركام
خبط يا بكرة عالببان
الحلم بان
لكن وحيد
مشتاق لصحبة ومحسنين
مشتاق لدولة تنتصر
ترعى اليتامى المحرومين
يا مصر مش دولة تلاوة واحدة
دول التلاوة فى كل فن
بس اللي ينقذ مين؟
بس اللي يسمع مين؟
بس اللي يفهم مين؟