كشري بالدقة والصلصة..إعداد إسراء فتحي
اسم الوصفه كشري بالدقة والصلصة
مقدمه من إسراء فتحى
مده التحضير 10 دقائق
مده الطهي 40 دقيقه
المقادير
ارز
شعريه
عدس بجبه
مكرونه مقصوصه
مكرونه اسباجتي
حمص شام
طماطم
الصلصه لدقه الشطه
بصل للتحمير
ثوم وشطه
كسبره ناشفه
كمون ملح وفلفل
خل وليمون
ماء
زيت
الطريقه
نحضر إناء نضع فيه الزيت ونضع الشعريه اول ما تبدا تاخذ اللون الدهبي نضع الارز وبعدهم العدس بجبه المنقوع من الليل او قبلها بفتره ولو ملحقتيش تنقعيه نعطيه نصف سلقه زي ما عملت وبعدهم ننزل بالمكرونه من غير سلق ده اصل في حله وحده وعلي الوش بنزل بالاسباجتي وبشربهم ماء من مكان سلق العدس بجبه ونضع الملح ورشه الفلفل
طريقة الصلصة
نضع الزيت والتوم ورشة الكسبره واطشها بخل وانزل بعصير الطماطم واتركهم يتسبكوا جيدا
طريقة الشطه
بعملها علي البارد ناخذ من الصلصه المتسبكه ونضع عليها شطه علي البارد علي حسب الرغبه
طريقة الدقة
ممكن علي البارد او ساخن
نضع زيت وبعدها توم ورشه كسبره وكمون وملح وطشتها بالخل والليمون وزودتها ماء
طريقة حمص الشام
نقوم بسلقه ونضع ملعقه من الدقه وملعقه من الصلصه وملعقه من هريسة الشطة وكسبره وكمون وملح وفلفل ونقطع عليه بصله
طريقة البصل
نقطعه حلقات ورشة دقيق بسيطه ونقوم بتحميره في الزيت ياخد لون ذهبى وبالف هنا
