كفتة الارز مقدمة من الشيف ندي العسال

كتبت، غادة المصري

مدة التحضير ½ساعة
مدة الطهى ½ ساعة
المقادير :
للكفتة:
1/2 كيلو لحم مفروم جملي
1/2 كيلو أرز مغسول ومتصقى تماما ومطحون بالكبة
ملح فلفل أسود وبهارات وكمون وكزبرة ناشفة وجوزة الطيب
1/4 كوب من كل من ( بقدونس وكزبرة وشبت) متزوديش الخضرة عشان لونها مايبقاش غامق فى التحمير .
٢ حبة بصل كبيرة
من ¼الي،½ راس ثوم
زيت للقلي .
الطريقة :-
نضع في الكبة الأول الملح والتوابل الباقية والبصل ويفرم البصل حتي يصبح ناعم.
يضاف الخضرة واللحمة والأرز المطحون للبصل وتفرم حتي تصبح ناعمة.
ترفع من الكبة وتوضع المكونات فى مفرمة اللحمة ان وجدت لو مافيش يبقى توديها للجزار يفرمهالك وشين عنده لحد ما تبقى ناعمة تماما ومافيهاش اى خرز او كتل .
تدخل العجينة التلاجة ترتاح قبل التشكيل .
نبل ادينا بسيط بمسحة من الزيت وتشكل الكفتة أصابع طولية وتترك بالثلاجة 10 دقائق تانى ترتاح قبل التحمير . يمكن تخزينها بدون نحمير بوضعه في اطباق وبينهم اكياس تلاجة. وتترك تفك وتحمر ت
لو هتعمليها فى ساعتها يبقى بعد ماتتصبع وترتاح فى التلاجة نطلعها وتتقلي في الزيت السخن حتي تصبح ذهبية ونطلعها تتصفى من الزيت . للصلصة:
1/2 كيلو بطاطس مقشرة ومقطعة مكعبات (حسب الرغبة) يعنى ممكن تستغنى عنها خالص .
4 كوب صلصة طماطم ( لتر )
ملعقة كبيرة صلصة برطمانات .
4 فص ثوم مفروم ناعم
ملح. فلفل أسود ورشة قرفة وكزبرة ناشفة .

طريقة الصلصة:
• في طنجرةعلي النار نضع القليل من الزيت اللى قلينا فيه الكفتة ونضيف التوم لحد ما يصفر ويقلب.
توضع البطاطس للثوم وتقلب حتي تتشرب من طعمه . ( لو مش هنضيف البطاطس هننزل بالخطوة الجاية على طول ).
يضاف الصلصة المعلبة وعصير الطماطم والملح والفلفل الأسود والقرفة والكزبرة الناشفة ونقلبهم .
تترك لتغلي وتتسبك قليلا وتتقل علي نار متوسطة حتي تصبح البطاطس قريبة للنضج
بعد تمام نضج البطاطس توضع الكفتة بها وتترك لتغلي لمدة دقيقتين ثم ترفع من علي النار وتقدم مع الارز الابيض او ارز بالشعرية