كيك الخمس دقايق مقدمة من الشيف نهلة الطيب

كيكة الخمس دقائق ببرتقالة واحدة
كيكاية هتعمليها في دقائق والطعم خطيييييير واللون والريحة جنااااان متقولووش لعدوكم عليها يلا بينا
المقادير
1برتقال كبيرة بصرة (هي أحسن حاجة علشان مفيهاش بذور)
3كوب دقيق
1/2كوب نشا
1باكو باكنج بودر
2كوب سكر ممكن نقلل 1/2كوب حسب ما تحبوا
فانيليا
4/5بيضات حسب الحجم
3/4كوب زيت نوع فاخر
م ك خل ابيض
1/2كوب لبن
1/2كوب عصير برتقال
ذرة ملح
الطريقة
اول حاجة هنعملها هنشغل الفرن على درجة 180درجة او متوسط
تاني حاجة هننخل الدقيق والنشا والباكنج بودر ياريت تنخلية بالمصفاة مرتين تلاتة ودة من أهم الحاجات اللي بتخلي الكيكة هشةجدا
تالت خطوة وهي دي الخلاصه كلها اللي تخلص الكيكة في خمس دقايق هتجيبي دورق الخلاط وتقطعي البرتقالة مكعبات صغيرة بقشرها كلها وانزلي عليها بالبيض ونص كوب عصير برتقال ونص كوب لبن وكوب والسكر والفانيليا ومعلقة الخل ونضرب كله بالخلاط كتييييير لحد ما يعمل فوم حلو ننزل بالزيت أخر حاجة ونضرب ضربتين يدوب يتجانس مع بعضة علشان ميخرجش الهوا وننزل بالسوائل كلها على خليط الدقيق والنشا والباكنج بودر وذرة الملح ونقلب بمضرب يدوي بخفة يدوب الدقيق يختفي وننزل فيه بصنية مقاس 28او قالب صاج 30*30وتدخل الفرن علطول هتاخد حوالي 45دقيقة حسب سخنية الفرن
منفتحش عليها غير بعد نص ساعة وبعدين نشوفها نعرف سواها بسكينة لوطلعت نظيفة تبقى استوت او نضغط عليها بصوابعنا لو ترك أثر يبقى لسة شوية لو ماتركتش أثر يبقى أستوت تمام المقدار دة هيعمل لكم صينية حجمها كبير من 30/25قطعة

فوائد البرتقال

1 – يعزز المناعة، وفقا للعديد من الدراسات العلمية، يحسن مقاومة الجسم للفيروسات والبكتيريا لاحتوائه على فيتامين С الذي يؤثر في الخلايا البلعمية، التي تحارب العدوى.

2 – يقوي الأوعية الدموية، يجعل فيتامين C جدران الأوعية الدموية أكثر مرونة ويحميها من الترسبات واللويحات.

3 – يخفض خطر تكون حصى الكلى، أظهرت نتائج الدراسات أن عصير البرتقال يساعد على رفع مؤشر рН. أي يؤثر في حموضة البول ويمنع تكون الحصى.

4 – يساعد على التخلص من التعب المزمن، يحتوي البرتقال على زيوت طيارة مختلفة، بما فيها الليمونين. الذي أثبتت الدراسات أن له خصائص منشطة، ويعطي شعوراً بالنشاط والقوة، ويحسن المزاج، ويساعد على تخفيف القلق وتجنب الاكتئاب.

5 – يحسن تدفق الدم في الشعيرات الدموية، غالبا ما يستخدم زيت البرتقال للتدليك لأن له تأثير دافئ ويحسن تدفق الدم في الأوعية الدموية الدقيقة.

قد يعجبك ايضآ
اترك رد

لن يتم نشر عنوان بريدك الإلكتروني.