مؤلف أغنية رمضان كريم يفتح النار علي مسلسلات رمضان .. بلطجة ونسوان فاجرة

مؤلف أغنية رمضان كريم يفتح النار علي مسلسلات رمضان .. بلطجة ونسوان فاجرة

ياجماعة انا شاعر ومحسوب علي مهنة الفن.
وليا الحمدلله نجاحاتي ال افتخر بيها لكن ده مايمنعش اني انتقد بعض الاعمال اللي بتتعرض كمشاهد ؟؟؟

مؤلف رمضان كريم واغانى شعبولا

بهذه الكلمات استهل الشاعر المعروف إسلام خليل مؤلف تيتر المسلسل الشهير ” رمضان كريم ” لحكيم وصاحب كل أغنيات المطرب الشعبي الراحل شعبان عبدالرحيم والكثير من الأغنيات الناجحة التى كتبها عبر مشواره الفنى الطويل مقاله بصفحته الخاصة بالفيس بووك وواصل قائلا :
لما نطلع في مسلسل أهل السيدة زينب نصابين وصيع والسنه اللي فاتت المغربلين بلطجيه وحراميه والسنه دي شق التعبان فتوات وبلطجيه وستات اخر قلت أدب. وكمان الصعايدة عصابات وتجار اثار وناس شمال .
وفي مسلسل الفلاحين اكالين حقوق ولغة ناس فاجرة
والاسكندرانيه الجدعان عصابات ومافيا. وستات الفاظها بشعة. والريف مليان نصب وحروب عائلات وضرب وقتل والمدن إنحراف وعلاقات مشبوهه واسر منحله وبنات سايبة وشباب شمام
طيب انهي منطقه او محافظه لسه كويسه واهلها محترمين من وجهة نظر الاساتذه اللي كتبو السيناريوهات ؟!!

يحدث في مصر فقط

انتو كده طلعتو مصر كلها بلطجيه وعاهات وصيع وحريم مش حريم واباء فجرة وامهات صايعه وحاجه اخر هباب.
مفيش بيحصل كده في اي دوله غير عندنا نموت في تشويه نفسينا حتي لو في نسبه من الحقيقة
بس مش كل مصر.

وأهلها يتشوه منظرهم بالشكل ده حرام .
ولغة الحوار فى كل المسلسلات واحدة نفس المفردات والجمل والطريقه “هتهبأ _ طب ابلع لسانك بقي _ هعس وراهم _ رأمهم. _ هات ال ف بطنك” .

نفس المفردات واللغه والاسلوب في كل المسلسلات بس هنا العوضي ال بيتكلم وهنا مصطفي شعبان ال بيتكلم وهنا عمرو سعد ال بيتكلم وهنا احمد زاهر وهنا فيفي وهنا هالة صدقي وهنا انتصار وهو هو الكلام والطريقه في الاداء لدرجة انك لو حطيت مشهد من مسلسل في مسلسل تاني. هيتشاف عادي محدش هيلاحظ حاجه.

مسلسلات عظيمة باقية

ذئاب الجبل ال كل مايتعرض الناس تشوفه كأنه جديد عبدالله غيث كان طالع الشرير ال فيه. ومفيش لفظ خارج اتقال ف ال ٣٠ حلقه والموضوع كان شادد الناس جدا
رأفت الهجان – عبدالغفور البرعي – الحاج متولي – عباس الأبيض ف اليوم الاسود .
وكل مسلسلات الفخراني العظيم واحمد زكي هو وهى وليالي الحلميه خمس أجزاء – والشهد والدموع. والعائله – وابوالعلا البشري.
وهكذا كل مسلسلات عادل امام
لا شوفنا ضرب محترفين ولا شتيمة ناس سوابق ولاستات بايعه نفسها ولابنات اشبه بالصبيان
وللاسف بقي كل واحد بيكتب ويخرج ويرشح قرايبه
ويعمل ما بداله بدون اي رقابه او مراجعة والموضوع في إنحدار مستمر لان اللي بيفهمو في الشغلانه خدو جنب وسابوها للي مش شغلتهم ومن ليس لهم علاقه بكلمة فن.

المزيد:  بأخلاقهم اهتدينا “الجزء السادس”: فاطمة وعلي.. حب سماوي خلده التاريخ