محمود سعد يعود للساحة الفنية ويحذر من خطورة الترامادول فى أغنية “اوفر دوس”

بعد غياب طويل عن الساحة الغنائية قرر المطرب الشعبى محمود سعد الملقب فى حقبتى الثمانينات والتسعينات بـ لورد الاغنية الشعبية
إستئناف نشاطه الفنى من جديد بأغنية بعنوان “اوفر دوس” تحكي عن خطورة تعاطي الشباب لحبوب الترامادول القاتلة.
الاغنيةمن كلمات الشاعر حسن عزو ألحان محمود سعد وتوزيع حمادة سمير وسيتم تصويرها قريبا بطريقة الفيديو كليب بداخل إحدى المصحات النفسية .

وتقول كلمات الاغنية
دقت طبول الخطر اصحوا بقي م النوم
وشبابنا بيضيع هدر في جو كله سموم
وساعة الصفر ابتدت وحان وفت الهجوم
علي كل كيف ملعون ذود همومنا هموم
حاجة تجنن حاجة تدايق
حاجة تخللي البال مش رايق
شباب كتير ماشين في الشارع
ومافيش فيهم واحد فايق
وانا ماشي في الشارع وببص
الاقي اللي يجبني يطص
وقبل مايصبح بيقولي
ياريت تشوفلي في جيبك نص
والتاني ماشي يترقصلي
يقول ياضهري وبامفصلي
وكل مايشوفني يقولي
معكش نص من الاصلي
الربع بيجبب نصاية
والنص بيجيب حبابة
اخرتها رعشة وجلطاية
يااما سجن وحبساية
م الكيميا ممكن تبقي عقيم
او يجي جنبن محتاج ترميم
وتمص دمك وتخليك
اعوذب الله منك يارجيم.
علية العوض في شباب وبنات
عايشين في تعداد الاموات
وليل ونهار يضربوا كيميا
بسببها شوف كام واحد مات
عمال نجيب برشام وتدوس
وتشتري موتك بفلوس
م الكيميا ممكن بحصللك
الله لايقدر اوفر دوس

المؤلف حسن عزو سبق له كتابة اغنية عن الترامادول للفنان شعبان عبد الرحبم ضمن حملة الأدمان للداعية الاسلامي عمرو خالد وحققت نجاحا جيدا .
يذكر أن محمود سعد حقق نجاحا كبيرا قبل ربع قرن من الزمان فينتمى لجيل حسن الآسمر ومجدى طلعت وحمدى بيتشان وغيرهم من نجوم الآغنية الشعبية فى الثمانينات والتسعينات وابتعد لفترة الطويلة عن الساحة الفنية لظروف خاصة .