مربي اللارنج
اللارنج من الموالح المفيدة جدا لكن مع الأسف في ناس كتير متعرفهوش ولا تعرف بيستخدم في أية ومن اجمل الحاجات اللي ممكن نعملها بيه هي المربي خصوصا انها بتكون فيها سنه مزازة بتكسر حدة السكر اللي فيها يلا بينا نشوفها بتتعمل ازاي
المقادير
٣كيلو لارنج (حوالي ١٨:١٦)واحدة
١/٢ ١كيلو سكر(ممكن تزودو١/٤ك كمان)
كل ١٢واحدة لارنج تحتاج كيلو سكر
معلقتين كبار عسل جلوكوز
م ص ملح ليمون (للحفظ مدة طويلة)
ليمونتين كبار/١٠فصوص قرنفل
عصير اللارنج مصفي
الطريقة
هي طويلة شوية وعاوزة طولت بال لكن النتيجة تستاهل
نغسل اللارنج ونقطعه نصفين ونخرج القلب ونضعة في مصفة ونعصرة ونصفية ونحفظة في الثلاجة لوقت الأستخدام الكمية دي هتطلع حوالي من ٣:٢كوب نسلقة حوالي ١٠ دقايق ونصفي المية وننقعة في مية باردة لمدة يومين ونغير المية كل ساعتين ثلاثة لحد ما نضيع طعم المرارة خالص نقطعة شرايح رفيعة جدا جدا بمقص المطبخ او بالسكينة بس الخطوة دي بقي عاوزة كدة سهراية تتسلي فيه وأنتي بتتفرجي على نور ومهند😂😂😂😂 ما علينا بعد ما نقطعة نحطة مع كيلو سكر طبقات بالتبادل ونتركها في الثلاجة ليلة كاملة وبعدين نرفعها علي النار ونزود العصير بنفس مقدارة مية يعني نزيدة ١/٢ ٢ كوب مية و١/٢كيلو سكر المتبقي من المقدار الكلي ورفعهم مع بعض على النار مع عسل الجلوكوز وملح الليمون واول ما يغلي والسكر يدوب ننزل بية على اللارنج ونقلب كويس ونتركه كله يغلي ونهدي عليه اوي وعصرة الليمونتين ونخلية بقي حوالي ٣:٢ساعات يستوي براحتة خالص ونقلب كل ١/٢ساعة ونشيل الريم خالص لحد ما يعقد نحط القرنفل في أخر ربع ساعة ونطفي (هنعرف انه استوي بوضع ملعقة من المربي في طبق لوفردت يبقي لسة لو مفردتش تبقي أستوت) ونتركة يبرد تماماونحفظها في برطمانات نظيفة معقمة (نغسلها كويس ونصفيها ونرصها في صنية ونشعل الفرن ربع ساعة ونطفيه وندخلهم فيه)يبقي كدة تمام جاهزين للأستعمال
- تعزيز المناعة: غني بفيتامين C، مما يقوي جهاز المناعة ويساعد في مقاومة نزلات البرد والإنفلونزا.
- تحسين الهضم: الألياف وعصارته تنشط إفرازات المعدة وتخفف عسر الهضم، الانتفاخ، والإمساك.
- المساعدة في إنقاص الوزن: يستخدم في المكملات لزيادة فعالية الحميات والتمارين الرياضية.
- صحة القلب: يدعم صحة القلب والأوعية الدموية، ويساعد في خفض ضغط الدم.
- تخفيف الالتهابات: زيت اللارنج يستخدم موضعياً لعلاج الالتهابات الفطرية، كما أن له خصائص مضادة للبكتيريا والديدان.
- التئام الجروح وصحة البشرة: يساعد في تكوين الكولاجين اللازم لالتئام الجروح والحفاظ على شباب البشرة.
![]()
