مكرونه بصوص الجبنه وناجتس مقدمه من الشيف مني التابعي
مكرونه بصوص الجبنه وناجتس
مقدمه من الشيف مني التابعي
المقادير
كيس مكرونه ومسلوق
فراخ مقطعه صغير
بصله متقطعه قطع صغيره
ملح
فلفل
بهارات فراخ
توم مفروم فص
معلقه زبده
صوص الجبنه
٣معالق دقيق
لتر لبن
٢ معلقه لبن بودر
٢معلقه قشطه او وش اللبن
ملح
فلفل
معلقه بهار فراخ او مرقه بودر او مكعب اختياري
مشكل جبن
رشه جوزه الطيب
٢معلقه جبن كريمى او مثلث جبن
لون جل موف اختيارى تغيير للأطفال
الطريقه
مكرونه مسلوقه وجاهزه
نجهز الفراخ
ف طاسه ع النار معلقه زبده او زيت واضيف البصل واشوحه. لحد ما يدبل وانزل بفص التوم المفروم. واشوحه واضيف الفراخ والبهار والملح.
ملحوظه
ممكن نستغنى عن الفراخ تماما ونكتفي بالمكرونه وصوص الجبنه فقط
نجهز الصوص
في بوله هضيف اللبن و جبن كريمى وملح والفلفل والبهار وجوزه الطيب واخفقهم مع بعض .
في حله ع النار. هضيف اللبن واقلب فيه لحد ما القوام يتقل واضيف القشطه وجزء من مشكل الجبن واضيف نقطه من لون الموف واقلب واطفي النار .
نجهز الصنيه اللي هتدخل الفرن .
هضيف كبشه من الصوص ف الصنيه.
وهضيف نص الصوص ع المكرونه واسيب النص التاني للصنيه
هضيف نص المكرونه في الصنيه ثم اضيف الفراخ واضيف جبنه ثم باقي المكرونه واضيف باقي الصوص
واخر حاجه هضيف جبنه
وتدخل فرن ساخن مسبقا
وبالف هنا
ناجتس
المقادير
نص كيلو صدور فراخ مفرووومه
٣معالق نشا كبار
٢معلقه لبن بودر
معلقتين زبده او سمن
البهارات
بهار فراخ معلقه صغيره
معلقه توم بودر
معلقه بصل بودر
فلفل اسمر
وملح
نص معلقه بيكنج بودر. عشان تبقي هشه من جوه
بس كدا مش بنكتر ف البهار عشان نحس بطعم الفراخ
الكافر الخارجي
كورن فليكس مجروش
معلقتين فيجتار
مايه
الطريقه
في بوله هضيف الفراخ المفرومه وعليها اللبن والنشا والبهارات والسمن او الزبده واخلطهم ببعض كويس جدااا
تدخل التلاجه نص ساعه
ثم يتم تشكيلها
ثم اضيفها في الكورن فلكس والفيجتار ثم المايه
ثم الكورن فلكس
هنا ممكن اشيلها ف الفريزر او اقليها ع طول
وبالف هنا.
رئيس قسم المطبخ ا سمسمه سعد