ملك اكاديميه فنون الطهي

أحمد توفيق خفاجى .
. السن يوم 22 يناير الحالى اتم 38 سنة
اعزب و لا أعول
و يمكن المهنة اتسببت فى التأخر ده
ماهي دراستك ؟
انا دارس المطابخ بأقسامها و مارست عملى فى كل الاقسام بس بميل للسخن خاصة الاوروبى
حاصل على دبلومة فى فنون الطهى الصحى بشهادة من أكادمية ستى أند جيلد للتعليم الفنى
متي اكتشفت انك موهوب في المطبخ ؟
بالصدفة كنت غاوز اتابع الشيف أسامة السيد و كان بيعمل اكلات و حلويات انا بحبها و رغم انى بشتغل من و انا فى اعدادى مع حلوانية فى دمياط بس محستش بحبى للمطبخ الا لما سجلت وصفات الشيف اسامة و نفذتها و فى مرة استلفت قمع بلح الشام من جارة و رجعته مع طبق طلبت الوصفة ادتهالها زى ما نفذتها معرفتش تعملها زيي و طلبت منى ابقا اعملها بلح الشام من وقتها بحثت و دورت عشان ابقا شيف دارس فاهم بيعمل ايه لحد ما اتعمل مركز اعداد الطهاة و كنت من أول دفعة التحقت بيه
ماهي الدول التي سافرت لها ؟
للاسف مجتليش فرصة سفر الا من خلال شغل الخليج اللى محتاج شغل تحت كفيل و انا ارفض النظام ده
من كانو اساتذك التي تاثرت بهم ؟
اتتلمذت تحت ايد شيفات كبار زى الشيف خيرى أنور و الشيف ماركوس ايتن السويسرى
اكثر المطابخ عشقا لك ؟
المطبخ الاوروبى رغم دسامته لظروف البرد بس بحب فيه بساطة مكوناته و عدم اعتمادهم على البهارات العالية بحب طعم المكونات يكون واضح فى الاكل
ماهي اكثر المواقف الشيقه والحلوه التي تعرض لها ؟
أكتر موقف حلو لما الشيف ماركوس نقصنى درجات فى امتحان العملى لان الطبق بتاعى اتبدل مع زميل و كان مبصم من صوابعه و رغم ان طعم الاكل كان جمميل بس نقص درجاتى على نضافة الطبق يمكن تستغربى انه بالنسبالى موقف حلو بس انا ببصله من منظور احذر خطأ الغير فكان سبب فى انى اتعلم اخد بالى اكتر
نسال عن الموقف السئ ؟
الموقف السىء انى علمت واحد شغل المطبخ و بذلت مجهود معاه و دفعت تمن اخطاؤه هوه قرر يروح يبيع سجاير عشان بيشتغل وقت اقل
ماذا تعني الموهبه في المطبخ من وجه نظرك ؟
الموهبة فى المطبخ بتبدأ من التذوق الجيد للاكل فى رايي
ما هو طموحك ؟
طموحى انى اتعلم و اعلم العلم ملوش اخر و المطبخ كل يوم فى تحديث بيدخل عليه و عشان كده باعتبر نفسى محققتش حاجة
اوصف نفسك في طبق ؟
شوربة المنسترونى شبهى … دى شوربة ايطالى معقدة صعب تنفيذها بدقة بدون فهم محتوياتها زيي بالظبط اللى بيعرفنى من قريب بيعترفلى ان نظرته ليا من بعيد كانت غلط
اكتر الاكلات او المطابخ متحبش تشتغالها ؟
مبحبش اكل جنوب شرق اسيا و معملتوش و مش هعمله اكل مدفون جوا البهارات طعمه مستخبى زى الحواوشى و ده شىء بيخوفنى من اى اكل بحس انه مدارى مصيبة ورا البهارات الكتير
اكثر لون مفضل لك ؟
الجاكت الابيض هو اصل الجواكت و للعلم الدكتور و الشيف بيلبسو أبيض عشان الاتنين عليهم مسئولية صحة العميل
جوله معرفيه داخل المطبخ للتعرف علي اقسامه ؟
أقسام المطبخ الصوصات و قسم المشاوى و قسم المقلى و قسم المحمرات و قسم الشورب و قسم الخضراوات و قسم الاصناف الجانبية و قسم الجارد مانجية او المطبخ البارد و قسم الحلوانى و قسم المخبوزات تحت ادارة الحلوانى
قسم المطبخ البارد او الجارد مانجيه يتضمن السلطات و الدريسنج الخاصة بها و المشهيات الباردة و النقانق و اصناف الباتيه و الترينيه و رئيسه يشرف على الجزارة
اكثر الاقسام اهميه ؟
مفيش قسم له اهميه اكتر من الاخر كلها منظومة بتكمل بعضها تروس بتلف سوا و يمكن تستغربو لو قلتلكم ان عامل النظافة أو الاستيورد بشوفه أهم عضو فى المطبخ
اشكرك شيف سعت بلحوار معك وتمنياتي لك باتوفيق وتحقيق احلامك وطموحتك
كتب الحوار الشيف / ايمان شلبي