“وائل علاء ” لم أنال المساحة الكافية لتقديم كل ماعندي ونفسي أقدم أدوار الدراما
حوار وإعداد / دعاء سنبل
لو خيروني بين المسرح والسينما هختار السينما طبعا .
أحمد حلمي من أكثر الفنانين اللي أرتحت في العمل معاهم.
المرأةفي حياتي حاجة مهمة جداً .
ممثل شاب خفة ظله جعلت منه كوميديان موهوب ، بالرغم بدايته كانت في الأدوار الثانوية و عدد مشاهده كانت قليلة إلا أنها علقت في أذهان المشاهدين إلى أن تدرجت أدواره وأخذ دور البطولة فنان عشقه الكبير والصغير هو الفنان “وائل علاء ” تألق في بدايته في الإعلانات على التلفزيون المصري الذي لفت من خلالها الأنظار إليه بسبب خفة دمه ,و أتجه بعدها للتمثيل في السيت كوم وحقق نجاحاً فيه وكان وقتها لون جديد على الجمهور ، يمتلك وائل موهبة وحضوراً مميزاً , مما يجعله يتميز في مجال الكوميديا .
بدايةً عرف نفسك للجمهور؟مين هو وائل علاء ؟ حدثنا عن بدايتك ؟
أنا وائل علاء خريج كلية تربية مش لازم اقول سنة كام علشان محدش يعرف السن من مواليد المنصورة خلصت الجامعة ونزلت القاهرة وكنت بمثل على مسرح الجامعة وبدأت بالتقليد في حفلات مسرح الجامعة وعملت فرقة اسمها ثلاثي اضواء الجامعة ده كان خلال الاربع سنين اما نزلت القاهرة جيت كان في ستوديو الفن اشتركت في في تقليد الفنانين ووصلت للنهائيات لحد ما اخدت المركز الأول على مستوى الوطن العربي اخذت الميدالية الذهبية.
حضرتك كانت بدايتك من الإعلانات أيه أول عمل كان للنجم وائل علاء ومتى؟
عملت حفلة أضواء التلفزيون والحمد لله كانت حفلة ناجحة جداً ،بعد كده بدأت تجيني أدوار وأولها كان تامر وشوقية في 2005 وراجل و6 ستات.
ماهو الدور اللي بتعتبره انطلاقة لك وبداية معرفة الجمهور بوائل علاء ؟
عملت “الدادة دودى وأسف على الازعاج” في 2007 وبعدها إعلان التاكسي اللي قومت في بدور سواق تاكسي كانت وجودي بشكل قوي وفي آخر 2007 عملت برنامج توك شو وكان من أوائل موجة كوميدي وأعتبر بداية انطلاقي سنة 2007 و2008 وعملت بعدها بسنه كوميدي كليب وكانت بداية قناة نيل كوميدي ومن 2008 قررت ابتعد عن التقليد بشكل رسمي وعملت بعد كده نونة المأذونة و الاخت تريز و الزمهلاوية وأخر كلام وجدو حبيبي .
كلمنا عن رصيدك السينمائي وعن فيلم عمود فقري الذي قومت ببطولته ؟
أنا رصيدي في السينما 16 فيلم آخرهم عمود فقري كان بطولة مطلقة وعلا غانم ومعايا بيومي فؤاد وعايدة رياض وعبدالله مشرف
في فيلم الكيت برده عملته السنة اللي فاتت لسه منزليش دوري في مختلف الناس هتشوف وائل بشكل مختلف بعيد عن الكوميدي نهائي
ماذا يمثل المسرح لوائل علاء ؟
المسرح ده حياتي لانه بدايتي في المسرح من أيام الجامعة وانا اخرجت مسرح وده اللي الناس متعرفهوش اني اخرجت اكتر من 30 مسرحية واخدت فيها جوايز وخاصة اني بدأت كمان استند أب كوميدي وبحب التفاعل مع الجمهور
أيهما تفضل ولماذا المسرح ، التلفزيون، السينما؟
انا بحب المسرح والسينما والتلفزيون بس لو جاني عملين مسرح وسينما هختار السينما طبعا لأني بعشق السينما .
هل تجربتك في تقديم البرامج بتعتبرها أضافة ليك وايه اللي استفدته منها ولو اتعرضت عليك تاني تعملها ؟
تجربتي فى البرامج اه طبعا اضفتلي كتير انى بدات الاستند اب كوميدي مكنش موجود في مصر عملوه بعدي كتير وده اضفلي خلاني فنان عندم لشمولية شوية أني أكون فنان شامل بين تمثيل وتقليد وستاند اب كيميودي وده مش موجود عند الكل طبعا .
وائل علاء عمل أعمال كتير مين أكتر ممثل كان قريب لقلبك واكتر مخرج أرتحت معاه؟ومين لسه متعملتش معاه وتتمنى تشتغل معاه؟
أشتغلت مع مخرجين كتير وكبار كلهم أشتغلت مع شريف عرفة وعمرو عرفة وعلى إدريس والأستاذ أكرم فريد الناس اللي ارتحت معاهم الحمد لله كلهم ارتحت معاهم لانهم كبار ومحدش تعبني ، وخصوصاً استاذ شريف عرفة وأستاذ علي إدريس
ومن أكثر الفنانين اللى أتعاملت معاهم أحمد حلمي هو من الناس المحترمة اللي بيركزوا في شغلهم اوي وبالرغم ان دوري في أسف على الأزعاج مكنش كبير هو 3 مشاهد بس علموا معايا اوي.
هل تصنيفك ككوميديان ظلمك ؟
تصنيف الكوميديان مش ظلم بس بيحصر الفنان في ادوار معين علشان كده لسه بقول اني عامل حاجة مختلفة وانا احب اعمل كل الأدوار ولا الناس متعرفوش اني نفسي اعمل الأدوار الدرامية والفيلن اكترمن الكيوميدى.
هل تهتم بمواقع التواصل الأجتماعي ومشاركة أخبارك مع متابعينك ؟
أه طبعاً مواقع التواصل الأجتماعي مهمه وانا بعترف أني مش شاطر فيها بس أعتقد الفترة الجاية هحاول اهتم بيها أكتر .
مين أكتر حد تعتبره دعمك خلال مشوارك ؟
أكتر حد دعمني مفيش حد بعينه اقدر اقول انه وقف مع وائل بعد ربنا سبحانه وتعالى بس في ناس اشتركت معاهم وكانوا مقتنعين بيه جدا وهما كتير مش هقدر اقول اسماء علشان منساش حد .
ماذا تمثل المرأة في حياتك ؟
المرأة في حياتي حاجة مهمة جدا بعد أمي الله يرحمها ربنا رزقني بزوجة بتحبني واخدة بالها مني ومن بيتي ومن ولادي وبتحترم طبيعة شغلي ربنا يخليهالي يارب .
حضرتك داخل فيلم جديد ممكن نعرف نبذة عنه ومين مشاركك في البطولة؟ وأيه الجديد عند حضرتك تاني ؟
عندي فيلم وده المفروض أنه الفيلم التاني او الفيلم التالت ليه تحضيره هياخد وقت شوية لانها فكرة مجنونة وجديدة وشركة الأنتاج بتختار مين هيكون معايا.
بيتعرض لي حاليا لسه مخلص يوميات زوجة مفروسة الجزء الرابع على mbc داخل مسرح جديد مسرحية لنص السنة انا ومجموعة كبيرة من النجوم مش هقدر اقول اسماء علشان لسه في تعاقدت تحصل يارب تكون حاجة جديدة عليه
في النهاية أيه العمل أو الشخصية اللي تتمنى تعملها ؟
الشخصية اللي نفسي اعمله انا لسه معملتش حاجة انا رصيدي 16 فيلم منهم 2 بطولتي و18او 19 عمل درامي اعتقد ان وائل عنده كتير مقدمهوش لأني لسه مأخدتش مساحتي الكافية اني اقدم كل اللي عندي .
