أبرز تصريحات إلهام شاهين على هجوم أحمد فلوكس لها

كتبت: نهى حليم

أعربت الفنانة  “إلهام شاهين” عن رأيها فيما قاله الفنان “أحمد فلوكس”، وذلك ردًا على رأيها في القبلات في الأفلام، حيث أشار الفنان “أحمد فلوكس”، أنه في الوقت الحالي شئ مناف للآداب.

وقد قالت الفنانة “إلهام شاهين” في تصريحًا لها في أحد المواقع: “أنا بتكلم القبلات اللي في الستينيات مش حاليًا… اللي أبطالها سعاد حسني… فاتن حمامة.. نادية لطفي… وكانت أفلام لكتاب كبار جدًا زي طه حسين… نجيب محفوظ.. يوسف إدريس… مكناش بنفكر بالمنظور الأخلاقي والديني.. ومكناش بنقول إزاي فاتن حمامة تعمل فيلم زي الحرام وتبقى حامل من حد غير جوزها… وفيلم أغلى من حياتي نرمز به إلى الرومانسية.. وفيه قبلات بين شادية وصلاح ذو الفقار… ولبست مايوه… لكن دلوقتي مفيش قبلات”.

وأضافت أيضًا الفنانة “إلهام شاهين” حيث قالت: “نفس الناس دي بتشوف أفلام أجنبية فيها كل الحُرية لتقديم كل شيء ما بيعترضوش وهما بيشوفوا الأفلام الأجنبية وأولادهم بيشوفوا الأفلام الأجنبية… فإيه المشكلة دلوقتي… الفن والسينما أذواق أختار الذوق اللي يعجبك… واللي ميعجبكش متشفهوش وخلاص من غير ما تقعد تهاجمه وتنتقده ما تشفوش”.

كما أضافت أيضًا في تصريحها لإحدى المواقع حيث قالت: “هل في حد ما يحترمش الأفلام دي اللي إتعلمنا على إيدهم وهما قدوة لينا… أفلام الستينيات بكل الأسماء اللي قلتها من فنانين وكتاب ومخرجين؟.. هل في حد مش محترم الأفلام دي وبيقعد يدور على فيلم أبيض وأسود نقعد نستمتع بيها ونستمتع بالرسالة بيها؟ هل بنفكر فيها بـالمنظور الغريب دلوقتي أنا بقول الكلام ده عن المطلق في الفن؟”.