أحمد حاتم يكشف كواليس انفصاله لأول مرة و علاقته بابنه

أحمد حاتم يكشف كواليس انفصاله لأول مرة و علاقته بابنه

بقلم:شروق راضي

عرفه الجمهور نجماً منذ ظهوره في “فيلم أوقات فراغ”  إنه الفنان أحمد حاتم، صاحب الكاريزما الخاصة، والذى نجح فى تقديم مختلف الأنماط

والشخصيات والأدوار الصعبة المركبة وتنوعت شخصياته بين الرومانسية والأكشن

والسيكودراما فأمتعنا بأدواره فى فيلم “الغسالة” و “قصة حب” و “الهرم الرابع” وغيرها الكثير.

وفي آخر ظهور لـه حل الفنان أحمد حاتم ضيفاً على برنامج” ABTalks” مع أنس بوخش

وتحدث عن عدد من تفاصيل حياته الخاصة ، وعلاقته بإبنه عزيز وذكرياته مع فيلم

“أوقات فراغ” سنعرضها لكم في السطور التالية.

تجربة طلاقه

تحدث أحمد حاتم عن تفاصيل طلاقه، بعد فترة زواج دامت لمدة ثلاث سنوات، قائلاً:

“تزوجت لمدة ثلاث سنوات، واتعلمت بعد طلاقي أن الإنسان ممكن يبقى أحسن وممكن يتغير وممكن يبقى أوحش،

وساعات بيبقى مش قرار، ولكن أنا كنت في نسخة مش حلوة مني وكنت شخص ممكن أكون ظالم،

حتى لو ده مش باين بس دي حقيقة الأمر، الطرف اللي معايا مكنش مبسوط ودي مش عادتي”.

وتابع: “تجربة الجواز خلتني أقف وقفة كبيرة وتوصلت أني أقدر أعمل اللي أنا حابه ومقتنع به،

أنا من بعد التجربة دي بقيت عايز أبذل مجهود وأهدى وأفتح مشاعري أكتر وأعبر عن نفسي وعن مخاوفي بشكل أوضح لأن ده الصح “.

واعترف أحمد حاتم بأنه لم يحاول تقديم تنازلات خلال فترة زواجه، مضيفاً:

“أنا عارف إن ده مش حاجة حلوة ومش أنا، وكان حاصل بشكل سلبي كبير ولا إرادي في حياتي العامة مش بس في الجواز”.

المرأة سبب كل حاجة في الحياة

وأوضح أحمد حاتم أن الحب هو محرك الحياة، وعن أهمية المرأة في حياة الرجل، قال

: “أنا بشوف أن الست هي السبب في كل حاجة في حياة الرجل”.

علاقة أحمد حاتم بابنه 

أما عن علاقته بابنه قال: “الحاجة الوحيدة اللي كانت بالنسبة ليا معنديش القدرة اني أخبي مشاعري فيها هو ابني عزيز،

وحسيت أني عايز أطلعه مع أنه لسه صغير، وعزيز هو السبب في كل حاجة وهو اللي خلاني أبقى شخص بضرب مشاوير

كل يوم علشان أشوفه وأنا ممنون للإحساس ده وممنون لوجوده، وخلاني

شخص مش أناني خالص من غير ما يعمل حاجة، ولو أنا كنت طلقت بس ومفيش عزيز كان ممكن متحركش وأقعد في حتة كده

بتفرج من بعيد وأحس أن حظي وحش، لكن أنا مش حاسس أن حظي وحش وحاسس اني بقيت أحسن علشان بعمل حاجة

علشان حد مش مستنيه يقولي حاجة ولا ياخد باله، ده غيرني وغير سلوكي بشكل عام، فأنا سعيد بدوري كأب”.

واستكمل أحمد حاتم: “أنا عايز أعيش حياة بسيطة ظريفة بس ده مبيتحققش، فأنا عايز أعرف أنا مطلوب مني حاجة ولا المشكلة فين،

وأنا معشتش لوحدي غير بعد الطلاق ومكنتش أعرف أعيش لوحدي، ودلوقتي مقدرش أعيش مع حد”.

فيلم أوقات فراغ 

وقال أحمد حاتم عن بدايته : بعد أوقات فراغ كانت مرحلة غريبة، كان عندي صحابي

كتير أوي بقت علاقتي بهم مش معروفة وناس بدأت تبعد لما بقيت مشهور.

وتابع : كنت عايز أمثل بس كنت محرج أقول علشان أنا شخص خجول وماكنتش عايز أعمل إعلانات لنفس السبب،

وأنا داخل الجامعة قررت أدرس تمثيل جنب الإعلام،

ولما عملوا فيلم أوقات فراغ كنت عملت كاستينج مع ناس كتير وتفاجئت انهم اختاروني.

واختتم : الفيلم نزل في وقت غريب، خاصة إن كان صعب تلاقي فيلم كله وجوه جديدة وكان بطولة،

ونزل في وقت كنت بوزع أنا وكريم قاسم فلاير في الشارع ومحدش عارفنا ولما الفيلم نزل

روحنا نشوفه في السينما عادي لقينا الناس عارفانا ودي كانت لحظة تحول في حياتي.