أحمد زكى ورغدة .. علاقة شائكة و أسرار جديدة .. ترصدها / دعاء خطاب
أحمد زكى ورغدة .. علاقة شائكة و أسرار جديدة .
رغدة تخرج عن صمتها الطويل وتكشف أسرار علاقتها بالفتي الأسمر وحكايات «الغرفة ٢٢٢٩»
عند بدايه مرض أحمد زكي لازمته يسرا لفترات طويلة، ولكن بعد ما اشتد المرض
عليه بدأ يقلل من ظهوره، ويعتذر عن المقابلات.. واكتفى بوجود الفنانة رغدة بجانبه فقط… وكانت يسرا من ضمن
هؤلاء الممنوعين من الزيارة، والتي تخيلت أن سبب منعها هو الفنانة رغدة لأنها الوحيدة التي كان مسموح لها بالدخول عليه في أي لحظة لدرجة أنها استأجرت غرفة في نفس
الطابق المقيم فيه أحمد زكي
بمستشفى دار الفؤاد.
وأكدت أن أحمد زكي لم يكن يرغب فى أن يراه أحد في أيامه الأخيرة.
أحمد زكى ورغدة .. علاقة شائكة و أسرار جديدة .
أى حد كان بيشوف رغدة وطريقة تعاملها معاه .. بيقول إنهم متجوزين المنظر كان غريب والشائعات كانت أكتر.
الشائعات
من بين الشائعات اللى اتنشرت فى الجرايد انه رغدة أعطت أحمد زكى حمام بنفسها.. فى المستشفى رغدة ما كنتش بترد على أى حاجةلكن لما قررت أخيرا تتكلم عن القصة..
القصة الحقيقية
قالت إن كل اللى حصل إنها انشغلت عن أحمد أيام فى بداية فترة مرضه، ولما زارته انزعجت من عدم اهتمام الممرضين
و المرافقين.. بنظافته الشخصية
وهو نفسه كان قد بدأ يعانى من حالة اكتئاب خلته زاهد فى مظهره لما شافت المنظر عنّفت الممرض،وساعدته على إدخاله الحمام الملحق بغرفته… ووقفت من ورا الباب تناوله اللي يحتاجه من فوط وبشاكيروأدوات نظافة
ثم قالت:
“ويا أخى حتى لو كنت أديته حمامه بنفسي .. ده عمل إنسانى واحد زميل فى محنة مرض..
لا بيشوف ولا بيتحرك ولم يبق منه إلا حلاوة روح.. مستكترين عليه إن حد يرعاه ويعتنى بيه ويخفف آلامه..
إيه الناس القاسية دى؟!
*لكن هل كان فيه قصة حب أو زواج؟
بتقول رغدة:
أحمد زكى الله يرحمه كان أخويا
وصديقى وأبويا وزميلى ولم يكن ينادينى إلا بلقبه العزيز على قلبى”يامّه” وفى محنة المرض كنت انا الشخص الوحيد المؤهل لرعايته وتحمل حالته وتقلباته المزاجية الحادة
يمكن صحيح أنا شكلى شكل أنثى وأحمل كل صفاتها وملامحها..
لكنى أيضا أحمل أخلاق الرجال الحقيقيين والكلمة لو خرجت من لسانى تقدر تعتبرها عقد… وعلىّ الالتزام بها ولو على رقبتى.
* الحكاية جت ازاى؟
أحمد ذكى مرة شاف مريم فخر الدين وهى بتاخذ بإيد أحمد مظهر وتقوم بمساعدته ليصعد على خشبة المسرح عند تكريمه فى مهرجان القاهرة السينمائى
استوقفه المنظر وقال لى:
شوفى الزملاء بتوع زمان وحلاوتهم..
و قال بتلقائية طفولية:
تعالى نتفق إن اللى يقع فينا التانى يشيله..
ثم أضاف..
تفتكرى إنه حييجى يوم وتسندينى
وأنا طالع على المسرح يكرمونى
زى مريم ومظهر؟
ولما دخل المستشفى فى محنة المرض كنت نسيت تلك الواقعة وهذا الاتفاق فلما رحت له ذكرنى به وسألنى برقة:
مش وعدتينى تشيلينى لما أقع؟
فقلت له من قلبى:
رقبتى سدادة يا أحمد.
مقتنعة من جوايا إنى عملت واجب وأديت رسالة ومهمة إنسانية ولا أنتظر شكر على واجب.
حبى وتقديرى لأحمد زكى مشاعر لا أنكرها.. أنا ماعنديش حاجة أخبيها،
ويمكن ناس كتير تستغرب لما تعرف إن كل ما جمعنى بأحمد زكى طول سنوات عشرتنا ٤ أفلام فقط لا غير..
الناس فاكرة إننا كنا عاملين دويتو سينمائى.. أبدا.. إنما إحنا كنا من نفس
المدرسة السينمائية…ويمكن ده اللى قربنا من بعض.. عندنا الجدية والالتزام
والاهتمام بالتفاصيل الصغيرة، إلا أن تجربتى الإنسانية مع أحمد زكى كانت هى الأروع.
رحيل النمر الاسود
رحل النمر الأسود عن عالمنا
في عمر الـ56 سنه
بعد صراع مع سرطان الرئة.
علاقة رغدة بأحمد زكى كانت
أكبر من الزواج..
وأعمق من الصداقه
وأبقى من الموت.
