أحمد فلوكس يهاجم قرارات نقابة المهن الموسيقية
أحمد فلوكس يهاجم قرارات نقابة المهن الموسيقية
كتبت: أحلام محمود سيد
قام الفنان أحمد فلوكس بإنتقاد قرارات نقابة المهن الموسيقية، الخاصة بإيقاف مطربي المهرجانات
حيث نشر أحمد فلوكس على حسابه الشخصي عبر موقع تبادل الصور والفيديوهات القصيرة انستجرام، قائلًا:
“لما كتبت بوست نجيب و هاني شاكر … هايطلعوا بره وهايشتغلوا و اسمهم مصرين .. فا بدل ما تمنعوا …
جمعهم و قومهم و وجهم صح و استخدمهم لارسال رساله هادفعه لجمهوهم الكبير
و ارتفع بيهم هما و جمهورهم لدرجه صحيحه لكن طبعا لان كل النقابات ناس لا تصلح
و عباره عن ميغا للانتفاع و استاذ هاني ماشاء الله فاكر الرياسة هي المنع و الشطب ،
و اللي تاحتوا الحقيقه حاجه يعني ولا ليها علاقه باي حاجه غير الانتفاع و ده كله حال اغلب النقابات “.
و أضاف فلوكس: ” كل ده حصل و لسه اتفرجوا ايه اللي هايحصل لان الاسواء لسه مجاش ..
و بالمناسبة مش بس النقابات الفنية علشان محدش يزايد لا نقابات كتيره حتي نقابه عمال الغزل و النسيج
اللي راحوا اجروا اهم سينما في شبرا اللي غني عليها ام كلثوم و جمال عبد الناصر قال خطبه شهيره هناك ..
اجروا لناس عملوا قاعات افراح فيها و بدل ما يعملوا حاجه تفيد اهالي شبرا بقت قاعه افراح
و بميت الف جنيه في الشهر يعني هبل بس … ( سينما مودرن ) …
يا استاذ هاني ماتتكلمش ب الوطنيه و قدسيه البلد وانت لسه راجع من تركيه في اجازه …… اللي عاوز يصلح يصلح مش يمنع”.
والجدير بالذكر أنه قام مؤدي المهرجانات حمو بيكا، بالإعلان عن تعاونه مع شركة إنتاج سعودية.
ونشر حمو مجموعة من الصور داخل الشركة، عبر حسابه الخاصبموقع تبادل الصور و الفيديوهات القصيرة انستجرام
ممسكًا بسيوف ذهبية ، وعلّق: «شركة صول والسيوف الذهبية رمز المحبة وانتظروا التعاون القادم بأذن الله».
وتابع : «الأستاذ محمد شمسي، المهندس محمد القحطاني، شركة صول آرت للإنتاج الفني المملكة العربية السعودية جدة.
يذكر أن أعلنت نقابة المهن الموسيقية في بيان صحفي، يوم الأربعاء 17/11/2021 عن اسماء من ليس لديهم تصريح بالعمل
و تم إيقافه و هم: حمو بيكا، حسن شاكوش، كزبرة و حنجرة،مصطفي زكريا محمد علي(مسلم)،
أبو ليلة، احمد قاسم (فيلو)، أحمد موزة، حمو طيخة، ريشا كوستا وسمارة، شواحة،
ولاد سليم ، العصابة، الزعيم، علاء فيفتي، فرقة الكعب العالي، مجدي شطة،وزة مطرية ،شكل ، عمرو حاحا.
التعليقات مغلقة.