مفاجأة أحمد كامل وزاب ثروت في دويتو غنائي “زى الجنة”

 

احمد كامل مغني وملحن مصري. اشتهر بلقب “ابن الليل” بدا مشهوراه الفني بغناء “الراب”. وفي فتره قصيره حقق نجاح كبير في الساحة الفنية بعد إصداره عدت أغاني منها: “ياليل” , “كانسر” و “كان في طفل.

 

أما أحمد ثروت زكي الشهير باسم “زاب” ثروت شاب مصرى رابر ومغني وهيب هوب مصري ومؤلف موسيقى وشاعر غنائي من مواليد مدينة عمان بالمملكة الاردنية الهاشمية تتلمذ في كلية الهندسة قسم كهرباء حيث كتب وغنى أغنية عن حياته الشخصية (دى حياتى).

 

وبدأ مشواره الفني بأغنية (كفاية) وبدأ بكتابة بعض الأغاني لفرقة كايروكي بالمشاركة بالغناء فيها وبدأ بالظهور معهم في حفلات ساقية الصاوي وبدأ بإلقاء قصيدة مصر وقام بعدها الجمهور بطلبه للغناء حيث توجه للراب والهيب هوب. شارك مع كايروكي في أغنية (اثبت مكانك) حيث حققت 7.2 مليون مشاهدة. أطلق زاب ثروت أول ألبوم له وهو البوم المدينة بالمشاركة مع العديد من النجوم.

 

أغنية زي الجنة

فيما طرح النجم أحمد كامل، ونجم الراب زاب ثروت، فى تجربتهما الأولى معا، فيديو كليب أغنيتهما الجديدة، التى بعنوان “زى الجنة” على اليوتيوب، والمنصات الموسيقية الرقمية، ومحطات الراديو.. دارت فكرة التصوير، من خلال مفهوم البودكاست (podcast) حيث ظهر كل من أحمد كامل وزاب ثروت وهما فى محادثة، يحكى كل منهما تجربته للأخر.. ويذكر أنه قبل طرح الفيديو كليب، نشر كامل وثروت لقطات من الفيديو على حساباتهما الشخصية على السوشيال ميديا، مما أثار فضول متابعيهما ومحبيهما.

 

وتعددت الأسئلة عن هل هو لقاء فعليا فى بود كاست، أم انه عمل جديد سيجمع بينهما ؟!.

أغنية “زى الجنة” من كلمات، وألحان أحمد كامل، وزاب ثروت، وتوزيع موسيقى، ماهر الملاخ، وإخراج يارا عياش، وإنتاج شركة “جاما ميوزيك” للمنتج محمد جابر.. وتقول كلماتها:..

 

كلمات الأغنية

ده انا عينى شافت كل شئ الا العيوب

 

حبك ده ذنبي ومسيرى عنه يوم اتوب

 

واللى باقيلي بقايا منى فيها روح

 

وكلام اغاني مبقاش يطيب الجروح

 

كانت زي الجنة انسى ولا استنى كانت احلى غنوة من كل اللي اتغنى

 

خلصت الحكاية مش هنحكى عنها مش هتبقى معايا مش هنيجي في بالها

 

كانت زي الجنة انسى ولا استنى كانت احلى غنوة من كل اللي اتغنى

 

خلصت الحكاية مش هنحكى عنها مش هتبقى معايا و مش هنيجي في بالها

 

الدنيا مش بمبى وانتى مش جنبي

 

ولا دمعة تنزل على خدى الذنب مش ذنبي

 

منا عارف وعرفت الناس بتخبى نواياها يا صاحبي

 

فأياك تحكى او تشكى ألمك احبابك احلامك دايما ليهم خبى

 

عمري بيكبر والخوف اكبر شايف الغلطة هتتكرر

 

راهنت زمان على ناس وخسرت دلوقتي هبطل

 

سنين بتعدى وبنعافر يمكن انساكي ف الاخر

 

يمكن نتعاتب واسامح مش عارف

 

آه يازمن لعبت بيا والتمن دفعته لوحدى

 

والالم جوايا بيكبر ايه العمل

 

آه يازمن لعبت بيا والتمن دفعته لوحدى

 

والالم جوايا بيكبر ايه العمل

 

كانت زى الجنة انسى ولا استنى كانت احلى غنوة من كل اللي اتغنى

 

كانت زى الجنة انسى ولا استنى كانت احلى غنوة من كل اللي اتغنى

 

خلصت الحكاية مش هنحكى عنها مش هتبقى معايا و مش هنيجي في بالها