أسما شريف منير تحذف صورها المكشوفة وتعلق ” انجرفت وراء دنيا مش باقية”

كتبت:ميرنا جمال

قررت البلوجر أسما شريف منير، ابنة الفنان شريف منير، أن تتراجع وتحذف صورتها والتي ظهرت بها بملابس مكشوفة، موضحة أنها لا تحب ارتداء مثل هذه الأشياء.

ونشرت “أسما” صورة جديدة لها على حسابها الشخصي بـموقع تبادل الصور والفيديوهات الشهير “انستجرام” وعلقت عليها قائلة: “مسحت الصورة اللي فاتت وقلت أنزل دي بس عشان ساعات شيطاني بيغلبني زي باقي البشر وساعات بحس بذات بعد ما خسيت أني عايزه ألبس لبس حلو وبناتي كده وأفرح أني بقي شكله حلو عليا بس الصح صح مش هقاوح”.

وأضافت: “أنا أصلا مش بحب ألبس لبس مكشوف في العادي بس أنجرفت ورا الدنيا اللي مش باقيه، فهقاوم الإحساس ده وهركز مع نفسي وفي لبسي أكتر وهحاول أنقي لبس يكون معتدل وحلو عشان أشجع نفسي والبنات اللي يتابعني أنهم يلبسوا لبس حلو في نفس الوقت مش مفتوح”.

واختتمت : “مش عيب إن الواحد يعترف بغلطه وطول الوقت يحاول أنه يبقي أحسن، وبشكر المتابعين اللي لفتوا نظري بطريقة ذوق.. كل سنة وأنتم طيبين وحبايبي ودعمي، ربنا يفرح قلبنا كلنا ويهدينا.. بحبكم”.