أصالة تحكي عن تجربتها مع العلاج النفسي 

 

كتبت: أحلام محمود سيد 

حلت النجمة أصالة ضيفة مع الإعلامية منى الشاذلي في برنامج معكم، المذاع عبر شاشة cbc.

و كانت أبرز تصريحاتها خلال هذا اللقاء، حول تلقيها للعلاج النفسي حيث قالت: أثناء علاجي النفسي من الصدمة العصبية التي تعرضت لها، أخدت أدوية ودا كان أسوأ شيء عملته في حياتي، وأخدتها لمدة تتراوح بين 7 و8 شهور.

 

 

 

و تابعت أصالة: في مرة تقّلت في الجرعة وأخدت حباية أكتر، ومن بعدها عشت في عذاب ومعاناة، وفضلت يومين وأكتر مش عارفة أمشي وقولت لرِجلي قومي ومكانتش قادرة تقوم، وعانيت جدا، وحسيت كأن حد رماني من سابع سما على الأرض وماكنتش قادرة آكل ولا أمشي.

 

 

كما أضافت النجمة أصالة: آخر يوم أخدت فيه حباية كان يوم 5 من شهر يناير، ودا يوم ميلادي، وقلت هحتفل بعيد ميلادي دون أدوية في جسمي، وأنا كنت محتاجة الأدوية ساعتها، ورميتهم مع أن دا غلط طبعا لأنه دون استشارة طبيب ومقولتش لحد من الأطباء اللي بتعامل معاهم، بس تعبت فترة وبعدها بدأت أرجع تاني لصحتي وحياتي وقررت أتحرر من كل حاجة وأكون حرة، وأعمل اللي عايزاه.

 

 

 

 

 

 

و أيضًا وصفت الفنانة أصالة الحالة التي مرت بها حيث قالت: أنا كنت عايشة حياة شيزوفرينيا، وكان عندي حالة صراع بين قناعاتي وقناعات الناس، وكنت بتألم وبتعالج عند كذا طبيب مش واحد بس، وكنت بشتغل كتير من أول الصدمة العصبية وأنا بشتغل بشكل جنوني ودي أكتر مرحلة اشتغلت فيها في حياتي ودا أثر عليا، وكويس أني كنت بتابع مع دكاترة بشكل يومي من أول ما بصحى لحد ما أنام.

 

 

 

و أضافت: ويوم ما قررت أتخطى كل دا كان قبل قرار زواجي من فائق حسن، وقولت أنا لازم أفصل عن هذا العالم المتعب وقررت أخد من الأشياء أحلى ما فيها، زي علاقتي بأولادي وأصحابي وعائلتي، وقررت أكون حرة وعلى راحتي، وكنت ساعات بدخل في دوامة بين اللي ينفع يتقال واللي مينفعش يتقال.

 

 

 

يذكر أن أخر أعمال المطربة أصالة هي أغنية تحمل اسم “الصورة”، من كلمات أنور المشيري، وألحان فايز السعيد، وتوزيع نور هاشم.