أصالة عن زواجها من فائق حسن: حسيت إننا اتخلقنا لبعض 

كتبت: مرهان حسام 

حلت الفنانة أصالة ضيفة اليوم في برنامج معكم منى الشاذلي، الذي تقدمه الإعلامية منى الشاذلي على قناة CBC الساعة التاسعة مساءً، وتحدثت أصالة عن زواجها بالشاعر العراقي فائق حسن. 

وقالت:” كُنا أصدقاء لأكتر من 15 سنة وإحنا أصدقاء في حدود الشغل والفن بس، ومش مقربين أوي، وحصل كل ده في يوم واحد أنا مش فاكرة مين سبق في الاعتراف بالحب، بس حسيت إننا اتخلقنا لبعض، وإحنا نفس الشكل حتى بالنسبة لملامح الوجه”.

وذكرت أيضًا:” أخدنا القرار في يوم ومافكرناش في أي حسابات خالص، وإحنا قولنا الدنيا كدة هتتظبط علينا، وأخدنا القرار دون ترتيب ولا تنظيم ولا هنعرف هنسكن فين، وقررنا نرتبط وبعدين الدنيا والأولاد وكله هيتظبط لوحده، وأول حد قولتله بنتي شام؛ لأنها العالم والحياة كلها بالنسبالي”.

واستكملت حديثها:” بعد الصدمة اللي مريت بيها، أخدت قرار أكون مع البني آدم ده حتى لو هنفضل في الطيارة دون بيت، وعلاقتنا كحبايب كويسة، وقولتله اتزوجني أول ما لقيته، وقررنا نتجوز تاني يوم علطول”.