أصالة لمنى الشاذلي:بقلع الحذاء في حفلاتي لهذا السبب

 

 

كتب: الاء مؤمن

حلت المطربة أصالة نصري وأحمد سعد ضيفان في برنامج “معكم” للإعلامية منى الشاذلي المذاع على قناة CBC وتحدثت أصالة خلال الحلقة عما تعلمته من العام الماضي.

قائله: اقتنعت مؤخرًا بعد ما عيشت مع نفسي كل أنواع المواقف وتوحدت مع نفسي وعيشت مع حالي كإني شخصين لأن تفاصيل اللى حصلى كان أكبر من قدرتي اني اتحمله وأعيشه لوحدى فعيشت مرحلة طويلة كاني شخصين وان وحدة تطبطب على التانية.

 

وتابعت أصالة: كنت بقضي وقت طويل لوحدي بعيد عن أولادي وأهلي ولما بقيت شخصين ارتحت ومبقاش في حاجه تخوفنى وانا طبعًا بحترم كل الناس.

 

ولكن مبقاش في شخص بيرعبني لأن في السابق كنت بقسي على نفسي وحالى إنسانيًا واجتماعيًا.

 

وحاليًا بقيت صديق لنفسي لأن زمان نفسي هي في أخر القائمة ومبقتش بهتم غير بتفاصيل شغلي بس.

 

 

وأكملت حديثها عن خلعها للجزمة في حفلاتها قالت: “بكون عاوزة ابقى على راحتى لما بقلع الجزمة بغنى أفضل لأن انا لما بغنى بحس إن كل أعضاء جسمى بتتحرك.

 

 وبحس انى بقف على اطراف اصابعى وكأنى برقص باليه لأن اغلب الأحذية مش بتكون مريحة وانا صوتى أهم شيء ولما بغنى حافية بيكون احلى مليون مرة لما أكون لبساها.

 

ومش عاوزة صوتى يتأثر بشئ وكويس ان فستانى كمان مش بيضايقنى وبيكون مريح ولو عليا نفسى البس جلابية اللى متخيطة على اليد وأحط سبحتين برقبتى واطلع أغنى على المسرح”.