تسخر الفنانة إيمان السيد على صفحتها على الفيس بوك ساخرة من عدم وجود اعمال وتطلق على نفسها فنانة عطلانة قائلة :
كان نفسي ف سيزون من ابو ٨٠ مسلسل واشتغل في تلاتة منهم .. واحد كوميدي وواحد تراجيدي والتالت أكشن واروح واجي قدام صحابي واهلي وجيراني ..
ويقولوا اللي عندها تصوير راحت .. اللي عندها تصوير جت واقعد مع المخرج المنفذ عشان يظبطلي الأوردر ويقولي انتي معانا بكرا اقوله مش هاينفع انا استلمت أوردر من التانيين فيبتسم ويقولي سيبيها علي الله اقوله ونعم بالله .. واروح تاني يوم الاقيه مشتكيني في النقابة .. والنقابة تتصل بيا ويقولولي عاملة مشاكل ليه يا إيمان ..والزملا يقولوا :
اللي عاملة مشاكل راحت .. اللي عاملة مشاكل جات
والناس يعرفوا اني اشتغلت فيطلبوا مني القسط اقولهم والله مابنقبض .. واروح للإنتاج اطلب دفعة يقولوا مافيش اقولهم مش مهم انا .. بس قبضوا المساعدة .. والمساعدة تقبض وتيجي تقولي مش محتاجة حاجة يا استاذة فتصعب عليا نفسي واعيط .. ياه كانت أيام حلوة .
#يوميات_فنانة_عطلانة
