ألبوم صور.. بقلم/صبري رسلان.
خايفة..
ياخدني الماضي
وأفتكر اللي فات
خايفة بأيدي تتفتح
الذكريات..
ألبوم صور
كله دموع
والفرحة غابت
في الرجوع
ببكي على عمري
اللي ضاع
نصه إتسجن في
ألبوم وداع
كل صوره
بتحكي معنى
عارفه حالنا
وفين وجعنا
مين اللي خانا
مين اللي باعنا
واللي عشقه
يشوف دموعنا
حب زايف زاد ألمنا
والآنين كتنماه
في ضلوعنا
خدت نفسي وقولت
هنسى في ماضي راح
ولا عاد خلاص هفتكر
ألام جراح..
ألبوم صور راح
فيه اللي راح
جدرانه حابسة
في ذكريات
ألوان بترسم ضيها
جوا حكايات
لساها عايشه
وغيرها دبلت
وردها جوانا مات
أوقات تغيب عننا
وبتيجي ساعات
كنت نسيتك
يا وجع
والدمع فاتني
ما رجع
رممت قلبي
اللي إتصدع
وهعيش خلاص
من غير صور
وهقفل بأيدي عالوجع
ونسيت خلاص
ألبوم صور
المزيد من المشاركات
