أمم أمثالكم ..بقلم (غرام)
أمم أمثالكم
أنا مخلوق ضعيف غلبان
ربي خلقني كما الانسان
دايما أسبح الرحمن
قدري أكون من الأنعام
بس أنا برضه حر تمام
أنا بأتحمل ياما آلام
من برد وجوع وأذية كمان
أنا مالقيتش أي حنان
بس اوعاك تاخدني معاك
وتدللني واعيش بأمان
وبعد ماتزهق يا انسان
ألقى مصيري تاني الحرمان
هو صحيح إن أنا حيوان
بس أنا كلي وفاء وحنان
ودي فطرة خلقني بها الرحمن
وأعرف أحب وعندي ضمير
وماتنساش الأسد سلطان
وحأقول تاني كمان وكمان
فين الرحمة يا انسان
وحأفضل أحمد ربي كمان
إنه خلقني كده حيوان
