أنا أبنك مصر … للشاعر/ سيد البالوي

أنا أبنك مصر

الشاعر / سيد البالوي

أنا أبنك مصر ومن دمك
ومن صُلبك
و أبويا تاريخ
شايل على كفي أهرامك
وإهرامك ولا عمري جريح
حد السكين إذا يذبحني
يرجع مذبوح
والنار بتصلي ما بين أيدي
تطرح أنوار كما جبل النور
وكأني مسيح وكأني براق
وكأني عُقاب حارس علمك
ضد الأشرار
أنا أبنك مصر محال أضعف
أو أخشى ظلام أو ناس ظالمين
أنا من إيماني بعدالتك
أقرأ أسمك مع كل صلاة
وأنا كلي يقين
إني بحبك محبوب لله
وإن اللي فى يوم دافع عنك
الله وياه والنصر أكيد
أنا أبنك مصر اللي في قلبه
مع عدد النبض طعنات أعداء
والموت بيخاف نظرة عينه
وكأنه معاه
حارس من حملة كرسي العرش
عايش فى حماه
ومصفد كل ببان الشر
ومفتح ليه كل الأسرار
لكرامة مصر أرض الأبرار