أنا شايفك…. بقلم.. جمال القاضي
أنا شايفك
بقلم/ جمال القاضي
أنا شايفك وسط الكون
نجمة وفيه بدور
أنا شايفه صبح وليل
تغريدة بصوت مجنون
أنا لما عنك أحكي
قلمي بيكتب حلو كلامه
من غير إملاء ولاقول
أنا لما حكيت في جمالك
مالاقيته بيشبه فيه
أي جمال بالكون
أنا فيا الروح والقلب
حبك فيهم ساكن
مهما ألف وأدور
أنا لما أروح وأبعد
تلقاني من سحر عيونك
أرجع تاني وأكون
أنا أي مكان فيه ألاقيك
كأني بوسط الجنة أعيش
المزيد من المشاركات
وعطرك فيه بيكون
أنا عاشق فيك جمالك
والعاقل لما يشوفه
يصبح فيه مجنون
مش هشرح فيك جمالك
لأن الشرح فيه بيطول
وكفاية عليا دلالك
دلال بيصحي النايم
ويفيق من عز النوم
وكفاية أني كمان
راح أقولك كلمة
من حلو كلامي
بحبك حب بوسع الكون
بحبك وإسأل قلبي
تلقى كمان للكلمة
مع نبضة قلبي تقول
بحبك ولو كنت ناسيني
مش هنساك ولاثانية
ولا لحظة تكون
لتاريخ مكتوب أو يوم
