أنا صورة … بقلم: جمال القاضي
أنا صورة
بقلم: جمال القاضي
المزيد من المشاركات
أنا صورة
وعلى الحيطه مرسومة
لطفل بيضحك آه
بس بنفس مكسورة
أنا حلمي رسمته هناك
وكتبته بالصورة
أكبر وأحس أحلامي
زي ماحلمت بالصورة
وكبرت بس الحلم
والصورة يا خسارة
بواقع مر
وحطم كل أحلامي
وملامحي ال كنت
بشوفها جميلة بالصورة
أنا صورة
أنا صورة لطفل
وعلى العقد محفورة
والإسم مكتوب
سعيد
يا صاحب الرسم والصورة
سيارة وقصر
وبحجرة مقصورة
وسرر بتلف وتدور
وخدامة تقول شبيك لبيك
يامالك القصر والصورة
أنا صورة
أنا صورة وبتبكي ملامحها
ليتيمة وعايشة
بعشة مهجورة
تنام وسط ثعابنها
وتصحى الصبح مفزوعه
من حلم لذئاب
بس بشريه تهاجمها
وطعامها بواقي لخبز
وتلقاها
وسط زبالة مكسورة
وحدود للمشي
وحتى حركتها
كانت خطة من غيرها
على الأرض لفين ولفين
تبقى من قبل مرسومة
أنا صورة أنا صورة أنا صورة
وشوف الفرق مابين
الصورة والصورة والصورة
