أول تعليق لـ أحمد العوضي بعد دخول ياسمين عبد العزيز العمليات

أول تعليق لـ أحمد العوضي بعد دخول ياسمين عبد العزيز العمليات

✍️ ميرنا جمال

عبّر الفنان أحمد العوضي عن مدى حبه لزوجته الفنانة ياسمين عبد العزيز، بعد إجراءها لعملية جراحية، مناشدًا الجمهور بالدعاء لها.

ونشر العوضي صورة تجمعه بياسمين، عبر صفحته الرسمية على موقع التواصل الاجتماعي الشهير “فيسبوك”، وعلق عليها قائلًا: “يمكن ببان قدامكم دايما قوي.. لكن الحقيقة أنا دلوقتي أضعف إنسان على وجه الأرض، عشان أنا روحي مش معايا.. أنا ضعيف جدًا من غيرك انتي لازم تبقي كويسة ولازم تقومي بالسلامة.. أنا لأول مرة أكتب من غير ما أكون مفكر أنا بكتب إيه وهكتب إيه.. بس انتي هتقومي إن شاء الله بإذن الله عشان انتي وعداني وعد وهتنفذيه”.

وتابع : “أنا عاوزك تبقي كويسة وتقومي عشان أقولك إني لو كنت ببينلك إني بحبك مرة فالحقيقي واللي جوايا إني بحبك ألف مرة.. وأنا دلوقتي مش قوي زي ما انتي بتشوفيني أنا دلوقتي ضعيف ضعيف جدا.. لحد ما تقوميلي تاني عشان زي ما انتي بتاخدي قوتك مني أنا كمان باخد قوتي منك”.

واختتم العوضي حديثه قائلًا: “قومي عشان أنا بحبك.. بحبك أكتر بكتيير من كل الكلام اللي أنا كتبته.. أكتر بكتير من كل اللي عدينا بيه مع بعض، من أيام حلوة ومواقف صعبة مرت علينا.. أكتر بكتير حتى من الموقف اللي احنا فيه دلوقتي.. أنا بحبك.. ادعولها تقوم بالسلامة زي ما انتو دايما بتدعولها بالنجاح والتوفيق.. هي دلوقتي محتاجه دعواتكم”.

وقد كشف العوضي من قبل عن خضوع ياسمين عبد العزيز لعملية جراحية وتواجدها بغرفة العمليات، وكتب عبر حسابه الشخصي بموقع التواصل الاجتماعي الشهير“فيسبوك: ”الرجاء الدعاء بظهر الغيب لزوجتي وحبيبتي ياسمين.. هي في العمليات ومحتاجة دعواتكم.. اللهم إنك أنت الشافي المعافي بقدرتك على كل شيء، اللهم ارفع عنها البلاء والوباء واشفيها وعافيها”.

يذكر أن آخر أعمال أحمد العوضي، مسلسل “اللي مالوش كبير”، الذي عرض في دراما رمضان 2021، بطولة ياسمين عبد العزيز، أحمد العوضي، خالد الصاوي، دينا فؤاد، إيمان السيد، محمود حافظ، عايدة رياض، دنيا عبد العزيز، أحمد صادق، أحمد الرافعي، أحمد سعيد عبد الغني، فتوح أحمد ومحمود عمرو ياسين ومن انتاج سينرجي مسلسل «اللي مالوش كبير» سيناريو وحوار عمرو محمود ياسين، وإخراج مصطفى فكري.