أياكى والإنكسار .. فأنتى ست الستات
أياكى والإنكسار .. فأنتى ست الستات
بقلم / حنان الابياري
فصباح الحنان والحب والجمال وكل حاجه ناعمه ورقيقه انتي بتتوصفي بيها ﻻنك تستحقيها.
كل سنه وانتي الام والاخت والابنه والحبيبه والزوجه والايد السانده والضهر الشايل والعقل المبتكر لبيتك واهل بيتك .
كل سنه وانتي دايما احسن واجمل وارقي واشطر وامهر و أوعي من السنه اللي قبلها .
حياته من حياتك
كل سنه وانتي ضد العنف وضد الظلم وضد التعسف وضد اي شئ يكسرك ،
كل سنه وانتي الام والزوجه والحبيبه والابنه والاخت لكل عظيم في حياتك بيعتبرك سنده وبيستمد حياته من حياتك .
كل سنه وانتي ضحكتك احلي شئ في الدنيا ومحبة الناس اللي جايه من حسن معاملتك تزيد معاكي .
يومك العالمى
النهارده عيدك ، عيد المرأه الشغاله والشياله اللي بتشتغل واللي بتصون وبتساعد ونافعه بيتها ومجتمعها
عيد كل ست في العالم فعاله في مجتمعها وشئ اساسي في كل مؤسسه رافعه شأن بلدها وحامله اسمها ومقدراه وصيناه وفاهمه يعني ايه وطن .
ست الستات
ونصيحتي ليكي في يومك العالمي
انك وانتي شغاله وسداده وب100 راجل اوعي تخلي الدنيا بكل اعبائها وبكل مشاغلك والتزاماتك تنسيكي انك انثي.
انك ست الستات وان شهر مارس ده شهرك كل ايامه جيالك بالخير يا عبير الكون .
فيه يومك العالمي انهارده ؛ وفيه يوم الاحتفال المحلي بيكي يوم 16
وفيه عيد امانك وحنانك وحمايتك يوم21 عيد الام ؛ ولحسن الحظ هو اول يوم في موسم الربيع ، يعني بتنوري الدنيا بجمالك وبتفتح الزهور علي رقتك وعبيرك بينتشر في الاجواء وبينتشر معاه السعاده في النفوس .
دللي نفسك واتمنيلها الخير وقوي روحك انتي تستحقي كل شئ حلو يا كل الدنيا .
واوعي تنسي انتي مش نص الدنيا . انتي الدنيا بحالها وبجمالها وبخفتها
تحياتي لمقامك العالي ؛ 🌷
