إبْقى يوم … بقلم: جمال القاضي
إبْقى يوم
بقلم: جمال القاضي
إبْقى يوم
خليك فاكرني
ولو نسيتك
ماتنسانيش
وابْقى مره
عليا إسأل
وهرد أقولك
لسه عايش
في الدنيا أهو
بس حالي
لو شوفته إنت
عليك هيصعب
عايش طول الليالي
ودايما لسه فيها
وحيد لحالي
والذكرى ال
كانت مابينا مخلياني
على الغياب
أعيش وأصبر
والنجم عنك
ف يوم سألته
ليه عني هو غايب
حتى الشمس لما
كان شروقها
قلبي شوفته
فرح بنورها
لأنه عارف أنك أنت
رفيق حضورها
ورفيق ظهورا
بس لما طال غيابك
والشمس زاغت
وأنوارها مالت
المزيد من المشاركات
ناحية غروبها
ساعتها قلت الإنتظار
مالوش معايا
ساعات يعيشها
ولما كان الليل معايا
فضلت أقوله
بكره ظلامك
خليني أروح بس لا
مسك في إيدي
وساعتها قالي
خليك معايا
وخلي حزنك
من توب ظلامي
وفي آخر ساعاتي
أبقى أمشي بس أكتب
حاجه منك تبقى ليا
ذكرى أحكي عنها
وللنجم أقوله
تحت نورك
وكان زمان
وهنا بنفس المكان
كانت حكايه للغرام
ونهايتها كانت
فراق أحبه
وكتبت له عنوان قصيده
كانت حروفها لكلمتين
كلمه كانت ( فراق …
والتانيه هيا …..
ولا قدرت أكمل
بس كان من بعيد
صوت يكمل الكلمتين
ظلام لليل وآهات أنين
والكل قالها (فراق أحبة)
