بتغير ملامحنا الأحزان

وبتدبل جوانا الأحلام

وبنهجر ناس كانو لينا أحضان

وبنشترى ناس ملهمش أمان

بإدينا بنخلق كل الأوهام

والعيب فينا ونقول آااه منك يا زمان

مليانة قلوبنا كتير أشجان

والنوم خاصم فينا الأجفان

بقى أقصى طموحنا نعيش فى سلام

ونزق اليوم ف اليوم وتكر الأيام

ونلاقى العمر اتسرسب من غير استئذان

ارزقنا يارب الفرحة إللى تنسينا مرار الأيام

وألهمنا الحكمة إللى تخلينا نستقبل أقدارنا بقلوب راضية مليانة اطمئنان

وارحمنا بلطفك يوم العرض ما بين ايدك أنت المنان