كتبت سمسمه سعد
مده التحضير نصف ساعه
مدة الطهي /٢٠ دقيقه
مقادير
كوب دقيق مخبوزات
كوب ماء
١٠٠ جرام ذبدة نوع جيد
٤حبات بيض
فانيليا
مقادير الحشوة
باسترى كريم
للتزين
شيكولاتة خام سايحة
الطريقة
يوضع الماء والذبدة على النار حتى الغليان وانزلى عليهم بالدقيق دفعة واحدة مع التقليب المستمر حتى تتكون عجينة مطاطية اتركيه يبرد وانزلى عليه بالبيض واحدة واحدة مع اضافة الفانيليا وقلبيهم جيدا
توضع فى قمع حلوانى وفى صاج عليه ورق ذبدة شكلى الاشكال الآتية
جسم البجعة هايكون عبارة عن اصبع عريض مسحوب سحبة رفيعة للخلف يكون جسم البجعة.
فى صاج اخر وبقمع بلاستيك فتحته رفيعة هانرسم شكل رقم 2 ونسحب بسيط من الأمام عشان يدينا شكل المنقار
جسم البجعة هايدخل فرن ١٨٠ لمدة ٢٠ دقيقة مع مراعاة عدم فتح الفرن عليه أثناء النضج
ورقبة البجعة تقريبا ١٥ دقيقة
يخرج من الفرن يترك يبرد نقسم الجسم من فوق ونحشيه بالباسترى كريم والجزء اللى قطعناه هانقسمه اتنين وده هايكون الجناحين ونغرز فى المنتصف الرقبة ونقطتين شيكولاته كأنها العيون ونرش عليها سكر بودر خفيف كأنها حبات ثلج
نقدمهم على جيلى ملون باللون الازرق الفاتح كأنه بيحيرة وحبات الشيكولاتة كأنها صخور
أما الاصابع فاتفتح وتحشى بالباسترى كريم وتغطي بالشيكولاتة وبألف هنا
رئيس قسم المطبخ أ سمسمه سعد
واسماء عزازي