إلهام شاهين تكشف عن رغبتها بالتبرع بأعضائها بعد وفاتها
إلهام شاهين تكشف عن رغبتها بالتبرع بأعضائها بعد وفاتها
كتبت : ياسمين عصام
شاركت الفنانة إلهام شاهين بمداخلة هاتفية في برنامج “الحكاية” مع الإعلامي عمرو أديب ،مصرحة من خلاله رغبتها بالتبرع بأعضاءها بعد وفاتها، و أنها مستعدة لمساعدة أي شخص ، حتى لو كان ذلك طالب في كلية الطب يريد تشريح جثتها بهدف التعلم ليفيد البشرية.
قالت “إلهام شاهين” خلال المكالمة لبرنامج الحكاية : “أنا لما أموت عايزة اتبرع بكل أعضاء جسمي، وكنت بقول الكلام ده من زمان، والنهاردة أعلنته في مؤتمر ،إيه أهمية جسمنا بعد ما نموت، الجزء اللي عندي وينفع حد أنا متبرعة بيه”.
وأستكملت “إلهام شاهين” حديثها عن رغبتها بأعضائها بعد وفاتها قائلة :”أنا كدة بساعد إنسان يعيش حياة كريمة دة شئ رائع وجميل، وياريت يكون عندنا كلنا ،كان عندنا بنك للقرنية زمان ،إحنا لية بنستورد القرنية اللي بنستخدمها في مصر من الصين؟أنا سمعت من رجال دين أنه مش حرام اتبرع.. يعني اللي القرنية بتاعته سليمة ليه ميتبرعش بيها “.
وأختتمت قائلة “: أنا بطالب الدولة أنها تقنن الموضوع، أن أول ما حد يموت ناخد القرنية على طول ، أنا طالبة دة، وعايزة يكون في جهة مسؤولة في الدول ،في طلاب من كلية طب بيكونوا محتاجين جثث يشرحوها، معنديش مانع طالب من كلية طب يتعلم في جثتي، ماعنديش مانع في أي حاجة تفيد البشرية “.
التعليقات مغلقة.