إيدي في إيدك.. بقلم/ صبري رسلان.
انا مش هسيبك مهما كان
وهروح معاك لأبعد مكان
وهموت وأنا حاضن ايديك
وايديا قبلك خوف عليك
ايامنا شوق ونسيم غرام
وعيون بتحكي بدون كلام
في الدنيا حظي وقسمتي
وربيع حياتي وضحكتي
عايش على نبضك كمان
وبحس بيك ده انت الأمان
دمك بيجري في الوريد
وفى كل يوم عشقك يزيد
عايز تسيبني أعيش وحيد
ده انا قبل منك ايدك في ايدي
لا فراق هيمنع إني أجيك
ولا موت هيقطع نبضي ليك
هي الحياه تحلا إلا بيك
والموت كمان لو بين أيديك
