إيمي عانت من الإغتصاب والتحرش من خلانها وتصرخ عايزة حقي

إيمي بعد إثارة قضية المتحرش وشهادات العديد من الفتيات على مواقع التواصل الاجتماعى، بشأن تعرضهن للتحرش، ظهرت أمس فى لايف عبر حسابها على “فيس بوك”، لتروى قصتها مع التحرش منذ أن كانت فى عمر الـ 6 سنوات، ووصول الأمر إلى الاغتصاب، ولكن الملفت فى الأمر أنها تعرضت للاغتصاب من خالها، ثم من زوج والدتها.

إيمي .. عندى اكتئاب حاد

إيمـى بصوت مملوء بالقهر والحزن فى اللايف الذى ظهرت به عبر صفحتها، “أنا بقالى 17 سنة بعانى من أزمة نفسية.. وبتابع مع 2 دكاترة نفسيين والاتنين شخصوني بأنى عندى اكتئاب حاد يؤدي للانتحار، وفعلا حاولت أنتحر مرتين، أمى وأبويا منفصلين من وانا عندى 5 سنين، وأمى بعدها بسنة اتجوز وأبويا كمان اتجوز، وانا عشت مع جدتي”

خلانى الاتنين اغتصبونى

وتابعت، “خلانى الاتنين اغتصبونى وانا عندى 6 سنين، كل واحد فيهم لوحده، لحد ماوصلت 14 سنة، فقررت أسيب الدراسة وأعيش مع أمي، وسبت الدراسة اشتغلت خادمة في البيوت، محل عطارة، واشتغلت فى مصنع لبان، ومصنع بيلم الزبالة من الشارع، علشان أخلص من خالى، ولما عشت مع أمى، جوز أمى اتحرش بيا، خدت القرار انى أقول لأمى، فقالها أنا كنت بختبرها لو حد عمل معاها كده هتعملى ايه.. ونفس الموضوع حصل مع أختى.. انا ماشوفتش عذريتى معرفش هى فين”

مناشدة النيابة العامة ورئيس الجمهورية 

وأضافت، “أنا عاوزة خالى يتحبس وعاوزة أبويا يتحبس .. انا بنادى النيابة العامة والبوليس ورئيس الجمهورية والدنيا كلها علشان مشكلتى تتحل واخد حقى .. ومستعدة الطب الشرعى يكشف عليا وأعرف أمته فقدت عذريتى”