ابتسامة.. بقلم/ غرام نعيم.

ابتسامة بعد نظرة
من عيونك يا سمارة
هي دي تبقى العلامة
وبعدها ياالله السلامة
هي بس النظرة ديه
البداية للشرارة
وابتسامة جميلة يعني
تزيد حرارة لقلب
عاشق للحلاوة
قلب مايعرف ملامة
يعني عاشق وبجدارة
عشق يتقال فيه حكاية
عن عيونك ياسمارة
والخسارة بجد لما
أبقى ما ألقاش الأمارة
ياسمارة ياسمارة
ياللي غيرتي العبارة
ليه في حبك كل يوم
ناس كثير تبقى حيارى